વેસ્ટ એશિયામાં ભૌગોલિક તણાવ વધતા સોનાને સેફ હેવન બાઈંગનો સપોર્ટ મળી રહ્યો છે, જ્યાં comex પર ભાવ 2069 ડૉલરની ઉપર પહોંચતા દેખાયા, તો સ્થાનિક બજારમાં 63,420ના સ્તરની આસપાસ કારોબાર જોવા મળ્યો, ઉલ્લેખનિય છે કે આ વર્ષે પણ ઇઝરાયેલ અને હમાસ વચ્ચે તણાવની સ્થિતી જોવા મળે, તો બજારની નજર આજે આવનાર USના મેન્યુફેક્ચરિંગ PMI આંકડાઓ અને શુક્રવારે જાહેર થનાર USના નોન-ફાર્મ પેરોલના ડેટા પર બનેલી છે.
કોમોડિટી લાઇવ: સોના-ચાંદીને મળ્યો સેફ હેવનનો સપોર્ટ, ક્રૂડમાં રિકવરી, બ્રેન્ટ $78ને પાર
બેઝ મેટલ્સ તરફથી મિશ્ર સંકેતો મળી રહ્યા છે, એક તરફ ચાઈના અર્થતંત્રના મિશ્ર આંકડાઓ અને બીજી બાજૂ ઓછા આઉટપુટના કારણે LME પર કોપરની કિંમતોમાં મજબૂતી જોવા મળી.
અપડેટેડ 12:44:03 PM Jan 02, 2024 પર
સોના-ચાંદીની ચમક યથાવત્, COMEX પર સોનું 2069 ડૉલરની ઉપર આવ્યું, ચાંદીમાં પણ પોઝિટીવ કામકાજ, સેફ હેવન બાઈંગનો સપોર્ટ મળી રહ્યો છે.
ચાંદીમાં પણ પોઝિટીવ કારોબાર છે, અહીં વૈશ્વિક બજારમાં 24 ડૉલરની પાસે કારોબાર રહ્યો, તો સ્થાનિક બજારમાં 74,696ના સ્તરની આસપાસ કિંમતો જોવા મળી રહી છે.
બેઝ મેટલ્સ તરફથી મિશ્ર સંકેતો મળી રહ્યા છે, એક તરફ ચાઈના અર્થતંત્રના મિશ્ર આંકડાઓ અને બીજી બાજૂ ઓછા આઉટપુટના કારણે LME પર કોપરની કિંમતોમાં મજબૂતી જોવા મળી. ઉલ્લેખનિય છે કે S&P ગ્લોબલ મુજબ ચાઈનાના મેન્યુફેક્ચરિંગ PMI આંકડા નવેમ્બરના 50.7ની સામે ડિસેમ્બરમાં 80.8 પર રહેતા દેખાયા, જે સુચવે છે કે ચાઈનાના અર્થતંત્રમાં રિકવરી આવી રહી છે. પણ સામે આઉટપુટમાં નરમાશની અસર પણ મેટલ્સની ચાલ પર દેખાઈ, પરિણામે મેટલ્સ તરફથી મિશ્ર સંકેતો મળી રહ્યા છે.
ગઈકાલના ઘટાડા બાદ ક્રૂડમાં ફરી એકવાર નીચલા સ્તરેથી રિકવરી આવતા બ્રેન્ટના ભાવ 78 ડૉલરની ઉપર પહોંચ્યા, તો NYMEX ક્રૂડમાં પણ આશરે 1 ટકાથી વધુની તેજી જોવા મળી. રેડ-સી પર તણાવ વધતા કિંમતોને સપોર્ટ મળ્યો, સપ્તાહના અંતે, US નેવીએ રેડ-સીમાં એક કન્ટેનર જહાજ પર હુમલો કર્યાના સમાચાર બાદ ક્રૂડમાં વોલેટાલિટી વધી, તો બીજી તરફ બજારની નજર આ સપ્તાહે આવનાર ઇન્વેન્ટરીના આંકડાઓ પર બનેલી છે.
શરૂઆતી કારોબારમાં નેચરલ ગેસમાં આશરે 3 ટકાની તેજી સાથે 222ના સ્તરની આસપાસ કારો બાર જોવા મળ્યો.
એગ્રી કૉમોડિટીના કારોબાર પર નજર કરીએ તો, શરૂઆતી કારોબારમાં ગુવાર પેકમાં દબાણ રહ્યું, સાથે જ મસાલા પેકમાં પણ નાની રેન્જમાં કારોબાર જોવા મળ્યો, સાથે જ કપાસિયા ખોળમાં પણ નરમાશ રહી, જ્યારે એરંડામાં આજે ફ્લેટ કામકાજ થઈ રહ્યું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
