કોમોડિટી લાઈવ: સોના-ચાંદીની ચમકમાં ઘટાડો, ક્રૂડમાં 3%નો ઉછાળો

સોનામાં ઉતાર-ચઢાવ સાથેનો કારોબાર રહ્યો, જ્યાં ગઈકાલના સ્તરેથી comex પર કિંમતો ઘટી છે તેમ છતા શોર્ટ કવરિંગનો સપોર્ટ મળતા 2045 ડૉલરના સ્તરની આસપાસ કારોબાર રહ્યો, જ્યારે સ્થાનિક બજારમાં 62,730ના સ્તરની આસપાસ કિંમતો પહોંચતી જોવા મળી. બજારની નજર હવે આવતીકાલે જાહેર થનાર USના નોન-ફાર્મ પેરોલના આંકડાઓ પર બનેલી છે.

ચાંદીમાં આજે ઘટાડો વધતો દેખાયો, અહીં સ્થાનિક બજારમાં 72,444ના સ્તરની આસપાસ કિંમતો જોવા મળી, પણ વૈશ્વિક બજારમાં કિંમતો લગભગ 2% ઘટીને 23 ડૉલરની નીચે પહોંચતી દેખાઈ, અહીં પણ ડૉલર ઇન્ડેક્સમાં આવેલી મજબૂતી અને વ્યાજ દરમાં કાપને લઈ અનિશ્ચિતતાના કારણે કિંમતો પર અસર દેખાઈ રહી છે.

મિડલ ઇસ્ટ તરફથી સપ્લાયની ચિંતા વધતા ક્રૂડમાં ફરી નીચલા સ્તરેથી રાતોરાત 3%ની તેજી જોવા મળી, જ્યાં બ્રેન્ટના ભાવ 78 ડૉલરની ઉપર પહોંચ્યા, તો nymex ક્રૂડમાં અડધા ટકાની તેજી સાથે 73 ડૉલરની ઉપર કારોબાર જોવા મળી રહ્યો છે..આ સાથે જ લિબિયાનું શારારા ઓઇલફિલ્ડ જે 3 લાખ bpdનું ઓઈલ ઉત્પાદન કરે છે, તે બંધ થતા, ઓછા ઉત્પાદનની સ્થિતી પણ કિંમતોને સપોર્ટ કરી રહી છે.

Gold Price: આજે સોનાના ભાવમાં આવ્યો ઘટાડો, ચેક કરો 10 ગ્રામ ગોલ્ડનું રેટ

શરૂઆતી કારોબારમાં સ્થાનિક બજારમાં નેચરલ ગેસની કિંમતો 1 ટકાની તેજી સાથે 225ના સ્તરની આસપાસ પહોંચતી જોવા મળી.

એગ્રી કૉમોડિટીના કારોબાર પર નજર કરીએ તો, મસાલા પેક તરફથી મિશ્ર સંકેતો મળ્યા, જ્યાં ધાણામાં પોઝિટીવિટી છે, પણ જીરા અને હળદરમાં ફ્લેટ કામકાજ રહ્યું, તો બીજી બાજું ગુવાર પેકમાં 2 દિવસની નરમાશ બાદ આજે રિકવરી જોવા મળી, સાથે જ એરંડામાં પણ પા ટકાથી વધુની મજબૂતી સાથેનો કારોબાર જોવા મળી રહ્યો છે.