કોમોડિટી લાઈવ: સોના-ચાંદીની ચમકમાં ઘટાડો, ક્રૂડમાં ઉતાર-ચઢાવ સાથેનો કારોબાર

યૂએસ સીપીઆઈનાં આંકડા પહેલા સોનામાં સુસ્ત કારોબાર જોવા મળ્યો, જ્યાં કોમેક્સ પર કિંમતો 2030 ડૉલરની ઉપર રહી, તો સ્થાનિક બજારમાં 62,130ના સ્તરની આસપાસ કારોબાર જોવા મળી રહ્યો છે. અહીં પણ વેસ્ટ એશિયામાં તણાવના કારણે સેફ હેવન બાઈંગનો સપોર્ટ કિંમતોને મળી રહ્યો છે. જોકે માર્ચમાં 63 ટકા પર 25 bps વ્યાજ દર કાપની સંભાવના બની રહી છે.

ચાંદીમાં પણ નીચલા સ્તરેથી રિકવરી આવતા, શરૂઆતી કારોબારમાં વૈશ્વિક બજારમાં ભાવ 23 ડૉલરની પાસે પહોંચતા દેખાયા, તો સ્થાનિક બજારમાં પણ ફ્લેટ ટૂ પોઝિટીવ સંકેતો સાથેનો કારોબાર જોવા મળ્યો.

ક્રૂડ ઓઈલમાં ઉતાર-ચઢાવ સાથેનો કારોબાર રહ્યો, જ્યાં બ્રેન્ટના ભાવ 78 ડૉલરની નીચે યથાવત્ છે, જોકે nymex ક્રૂડમાં રિકવરી સાથે 71 ડૉલરની ઉપર કારોબાર જોવા મળી રહ્યો છે. ઉલ્લેખનિય છે કે EIAના રિપોર્ટ મુજબ અમેરિકામાં ઓઈલ ઇન્વેન્ટરીમાં વધારાના કારણે ક્રૂડની કિંમતો પર દબાણ બન્યું, સાથે જ લિબીયાની ઓઈલ ફિલ્ડ બંધ હોવાથી સપ્લાયની ચિંતા અને OPEC, US, ઈરાક અને નાઈજેરીયા તરફથી આઉટપુટમાં વધારાની પણ અસર કિંમતો પર દેખાઈ રહી છે.

સ્થાનિક બજારમાં નેચરલ ગેસમાં ફ્લેટ ટૂ પોઝિટીવ સંકેતો સાથે 249ના સ્તરની આસપાસ કારોબાર જોવા મળ્યો.

એગ્રી કૉમોડિટીના કારોબાર પર નજર કરીએ તો, ગુવારસીડમાં પોઝિટીવ કારોબાર છે, પણ ગુવારગમમાં દબાણ બન્યું, તો સાથે જ મસાલા પેકમાં પણ નરમાશ સાથેનો કારોબાર જોવા મળી રહ્યો છે. જોકે આજે કપાસિયા ખોળમાં નીચલા સ્તરેથી રિકવરી આવી, પણ એરંડામાં ફ્લેટ કામકાજ દેખાઈ રહ્યું છે.