કમોડિટી લાઇવ: ક્રૂડમાં રિકવરી, બ્રેન્ટ $94ની ઉપર, સોના-ચાંદીમાં દબાણ વધ્યું

રશિયાએ ડીઝલ અને ગેસોલિન ઉત્પાદકોના એક્સપોર્ટ પર અનિશ્ચિત કાળ માટે પ્રતિબંધ લગાવ્યા છે, પોતાની સ્થાનિક માગને પહોંચી વળવા રશિયાએ એક્સપોર્ટ રોક્યો છે, તો બીજી તરફ USમાં પણ ઓઈલની ઇન્વેન્ટરીમાં ઘટાડો જોવા મળ્યો છે, આ બધા કારણોથી ક્રૂડમાં નીચલા સ્તરેથી રિકવરી આવી જેમાં બ્રેન્ટ 94 ડૉલરની ઉપર પહોંચ્યું, તો NYMEX ક્રૂડમાં 1 ટકાની તેજી સાથે 91 ડૉલરની ઉપર કારોબાર જોવા મળી રહ્યો છે, આ સાથે જ સ્થાનિક બજારમાં પણ અડધા ટકાની મજબૂતી દેખાઈ. ઉલ્લેખનિય છે કે, જૂનના અંત બાદથી ક્રૂડની કિંમતો આશરે 25% વધતી દેખાઈ ચુકી છે.

સ્થાનિક બજારમાં નેચરલ ગેસમાં આશરે એક ટકાની તેજી રહેતા ભાવ 240ના સ્તરની આસપાસ પહોંચતા દેખાઈ રહ્યા છે.

ચાંદીમાં પણ સોનાને પગલે દબાણ રહ્યું, અહીં વૈશ્વિક બજારમાં ભાવ 23 ડૉલરની નીચે આવ્યા, તો સ્થાનિક બજારમાં આશરે અડધા ટકાથી વધુના ઘટાડા સાથેનો કારોબાર જોવા મળી રહ્યો છે.

ચાઈનાના પ્રોપર્ટી બજારમાં ચિંતાના કારણે મોટાભાગની મેટલ્સમાં નરમાશ જોવા મળી, ખાસ કરીને કોપરની ઇન્વેન્ટરીમાં ઘટાડો આવતા અને ચાઈના તરફથી નબળી માગના કારણે કિંમતો પર દબાણ બની રહ્યું છે. તો બાકી મેટલ્સમાં પણ નાની રેન્જમાં કારોબાર જોવા મળી રહ્યો છે.

નજર કરીએ એગ્રી કૉમોડિટીના કારોબાર પર તો, ગુવાર પેકમાં દબાણ આગળ વધતા, ગુવારગમમાં એક ટકાથી વધુનો ઘટાડો નોંધાયો, ગુવારસીડમાં પણ અડધા ટકાની નરમાશ રહી, તો મસાલા પેક તરફથી મિશ્ર સંકેતો રહેતા હળદરમાં એક ટકાથી વધુનો ઘટાડો રહ્યો, ધાણામાં પણ નરમાશ રહી, જ્યારે જીરામાં ખરીદદારી સાથેનો કામકાજ થઈ રહ્યો છે. તો કપાસિયા ખોળમાં નાની રેન્જમાં કારોબાર નોંધાયો.