કોમોડિટી બજાર: સોના-ચાંદીમાં મજબૂતી સાથે કારોબાર, ક્રૂડમાં ઘટાડા સાથે કારોબાર

સોનાની તેજીમાં યથાવત્ જોવા મળી રહી છે. જ્યાં સ્થાનિક બજારમાં ભાવ 63,337ના સ્તરની આસપાસ પહોંચતા દેખાયા. તો આજે વૈશ્વિક બજાર બંધ હોવાથી કોમેક્સ તરફથી કોઈ સંકેતો નથી પણ વર્ષ 2023માં સોનામાં 13 ટકાના વધારા સાથે રેકોર્ડ હાઈના સ્તર જોવા મળ્યા. ઉલ્લેખનિય છે કે આ વર્ષે ફેડ વ્યાજ દર ઘટાડે તેવી આશાએ સોનાની ચમક વધી છે.

શરૂઆતી કારોબારની તેજી બાદ ચાંદીમાં પ્રોફીટ બુકિંગ જોવા મળી રહ્યું છે. જ્યાં સ્થાનિક બજારમાં મામૂલી દબાણ સાથે કિંમતો 74337 પર પહોંચતી જોવા મળી.

નેચરલ ગેસમાં સ્થાનિક બજારમાં એક ટકા ઉપરની તેજી સાથે કિંમતો 214 પર પહોંચતી જોવા મળી.

સ્થાનિક બજારમાં મોટાભાગની મેટલ્સમાં નાની રેન્જમાં કારોબાર જોવા મળ્યો, નવા વર્ષ નિમિત્તે LME માર્કેટ બંધ હોવાથી વૈશ્વિક બજારથી સંકેતો નથી, પણ નવા વર્ષે ચાઈના તરફથી માગ વધવાની આશા અને ડૉલર ઇન્ડેક્સમાં દબાણના કારણે મેટલ્સની ચાલ સુધરવાની આશા બનતી દેખાઈ રહી છે.

તો એગ્રી કૉમોડિટીમાં નવા વર્ષના પહેલા દિવસે લાલ નિશાનમાં બજાર બંધ થતું જોવા મળ્યું. જ્યાં મસાલા પેકમાં જીરામાં છ ટકાની નરમાશ સાથે કારોબાર જોવા મળ્યો. તો ધાણામાં દોઢ ટકાનું દબામ જોવા મળ્યું. હળદરમાં પણ અડધા ટકાની નરમાશ જોવા મળી. ગુવાર પેકમાં વેચવાલી જોવા મળી. જ્યાં ગુવાર ગમ બે ટકા તો ગુવાર સીડમાં દોઢ ટકાનું દબાણ જોવા મળ્યું. તો કપાસિયા ખોળમાં દોઢ ટકાની વેચવાલી જોવા મળી. તો એરંડામાં સવા ટકાનું દબાણ જોવા મળ્યું.