આવનારા 1-2 વર્ષ સુધી ભારતીય અર્થતંત્રમાં મજબૂતી યથાવત રહેશે: વૈભવ સંઘવી

ASK હેજ સોલ્યુશન્સના સીઈઓ, વૈભવ સંઘવીનું કહેવું છે કે 2023ના છેલ્લા 2 મહિનામાં માર્કેટનું પ્રદર્શન જબરદસ્ત રહ્યું છે. માર્કેટના વેલ્યુએશન આવતા વર્ષે પણ સારા રહેવાની આશા છે. એફપીઆઈના ફ્લો પર વ્યાજ દરની અસર જોવા મળી રહી છે. ફેડ તરફથી વ્યાજ દરમાં કાપની આશાએ હવે એફપીઆઈનો ફ્લો ઈએમ માં વધશે.

વૈભવ સંઘવીના મતે આવનારા એક કે બે વર્ષ સુધી ભારતીય અર્થતંત્રમાં મજબૂતી યથાવત રહેશે. રોકાણકારોએ કંપનીના વેલ્યુએશન જોઈને રોકાણ કરવું જોઈએ. બેન્કિંગ, કેપિટલ ગુડ્સ, કન્ઝ્યુમર ગુડ્સ સેક્ટર સારૂ કરશે. પબ્લિક અને પ્રાઈવેટ સેક્ટર બેન્ક વચ્ચેનો તફાવત ઓછો થયો છે.