બજારમાં Q3ના પરિણામ પર વધારે ફોકસ રહેશે, બેઝ ઈફેક્ટ મોટી હોવાને કારણે પરિણામમાં નરમાશ શક્ય - દિપન મહેતા

દિપન મહેતાનું કહેવુ છે કે 2024માં બધુ બરાબર દેખાઈ રહ્યું છે. બજારમાં બધુ બરાબર હોય ત્યારે જ કોઈ સમસ્યાઓ આવી છે. જોકે અત્યારે બજારમાં થોડું સાવચેત રહેવું જરૂરી છે. અત્યારે બજારમાં Q3ના પરિણામ પર વધારે ફોકસ રહેશે. Q3ના પરિણામોમાં સામાન્ય નરમાશ જોવા મળી શકે છે.

દિપન મહેતાના મતે બેઝ ઈફેક્ટ મોટી હોવાને કારણે પરિણામમાં નરમાશ શક્ય છે. આ ચિંતાને કારણે બજારમાં થોડો ઘટાડો આવી શકે છે. સીધા બજારમાં ટ્રેડિંગ કરતા હોવ તો જોખમ ઘટાડવું જોઈએ. લાંબાગાળા રોકાણકારોએ હાલમાં થોડા રોકડા રાખવા જોઈએ. ટ્રેડરોએ ખોટમાં પોતાની પોઝિશન કટ કરવી પડશે.

દિપન મહેતાનું માનવું છે કે આ સ્થિતિમાં નવા રોકાણથી દૂર રહેવું જોઈએ. આવા સમયે રોકાણ કરવું હોય તો નિફ્ટી 50ના સ્ટોકમાં રોકો. ડિફેન્સિવ બેટ તરીકે FMCG સ્ટોક્સમાં રોકાણ કરી શકાય. અત્યારે લાર્જકેપ બેન્કમાં રોકાણ કરવું જોઈએ. અત્યારે ઘણાં વેલ્યુએશન પરફેક્ટ જગ્યાએ, જ્યાંથી ન ખરીદવું.

દિપન મહેતાના મુજબ વૈશ્વિક ફ્લો લાર્જકેપ સ્ટોક્સમાં જ વધારે આવશે. એટલે એ દૃષ્ટીએ પણ લાર્જકેપમાં જ રોકાણ કરવું જોઈએ. હોસ્પિટલના પરિણામ સારા અને ધીમે ધીમે ગ્રોથના રસ્તે છે. ફાર્મામાં પણ ડિફેન્સિવ રોકાણ કરી શકાય છે. એરલાઈન્સમાં ઈન્ટરગ્લોબ એવિએશનમાં રોકાણ કરી શકાય. ઈન્ડિયન હોટેલ્સ, એપોલો હોસ્પિટલ, નારાયણ હેલ્થમાં રોકાણ કરો.