દિલ્હીમાં AAP ધારાસભ્ય ગુલાબ સિંહ યાદવને ટોળાએ માર માર્યો, નેતાજી તક જોઈને ભાગ્યા

AAP MLA Beaten: રાષ્ટ્રીય રાજધાનીમાં 5 ડિસેમ્બરે યોજાનારી દિલ્હી મ્યુનિસિપલ કોર્પોરેશનની ચૂંટણીઓ પહેલા, નાગરિક સંસ્થામાં શાસક ભારતીય જનતા પાર્ટી (બીજેપી) અને શહેરમાં શાસન કરતી આમ આદમી પાર્ટી વચ્ચેની ટક્કર વધુ તીવ્ર બની છે. આમ આદમી પાર્ટીના મટિયાલાના ધારાસભ્ય ગુલાબ સિંહ યાદવને માર મારવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. MCD ચૂંટણીમાં ટિકિટ વહેંચણીના મુદ્દે AAP કાર્યકર્તાઓ વચ્ચે બોલાચાલી બાદ અથડામણ શરૂ થઈ હતી. આ દરમિયાન AAPના કેટલાક કાર્યકરોએ પાર્ટીના ધારાસભ્ય ગુલાબ સિંહ યાદવ સાથે મારપીટ કરી હતી.

સૂત્રોના જણાવ્યા અનુસાર આ ઘટના ત્યારે બની જ્યારે ધારાસભ્ય તેમના કાર્યકર્તાઓ સાથે શ્યામ વિહારમાં 8 વાગ્યાની આસપાસ બેઠક કરી રહ્યા હતા. મળતી માહિતી મુજબ મીટિંગ દરમિયાન પહેલા વિવાદ શરૂ થયો અને પછી કાર્યકરોએ ધારાસભ્યને માર મારવાનું શરૂ કર્યું. જો કે ગુલાબ સિંહ યાદવે વળતો પ્રહાર કર્યો અને કહ્યું કે આવા દાવાઓ MCD ચૂંટણી હારી જવાનો ભાજપનો ડર દર્શાવે છે. ભાજપના ઘણા નેતાઓએ આ વીડિયો શેર કર્યો છે.

શા માટે થયો વિવાદ?
ડેપ્યુટી કમિશનર ઑફ પોલીસ એમ હર્ષવર્ધને જણાવ્યું હતું કે ટિકિટ વિતરણના મુદ્દે ઝઘડો થયો હતો, જેના પગલે પક્ષના કેટલાક કાર્યકરોએ યાદવ સાથે કથિત રીતે મારપીટ કરી હતી. ચૂંટણી સભા વચ્ચે અચાનક જ હોબાળો શરૂ થયો હતો. જે બાદ આમ આદમી પાર્ટીના કેટલાક નારાજ કાર્યકરોએ ધારાસભ્ય સાથે દુર્વ્યવહાર અને મારપીટ શરૂ કરી દીધી હતી.

આ દરમિયાન તેનો કોલર પકડીને તેને ધક્કો પણ મારવામાં આવ્યો હતો. હોબાળો જોતા આખરે ધારાસભ્યને તક જોઈને ભાગવું પડ્યું હતું. પોલીસે કહ્યું કે ધારાસભ્યના નિવેદનના આધારે કાર્યવાહી કરવામાં આવશે.

આ પણ વાંચો - ચિંગારી એપ ક્રિએટર્સ અને યુઝર્સ માટે નવો પ્લાન લોન્ચ, મળ્યો કમાવવાનો મોકો

બીજી તરફ, AAP ધારાસભ્યએ ટ્વીટ કર્યું, "ભાજપ બેકાર થઈ ગયો છે. ભાજપ ટિકિટ વેચવાના પાયાવિહોણા આક્ષેપો કરી રહી છે. હું અત્યારે ચાવલા પોલીસ સ્ટેશનમાં છું. મેં ભાજપના કોર્પોરેટર અને આ વોર્ડના ભાજપના ઉમેદવારને જતા જોયા. તે લોકોને બચાવવા માટે પોલીસ સ્ટેશન." આનાથી મોટો પુરાવો શું હોઈ શકે મીડિયામાં હાજર છે. મીડિયા અહીં હાજર છે, ભાજપને પૂછવું જોઈએ."