આસામના સીએમએ ટ્વિટર બાયોમાં ઇન્ડિયાને બદલે લખ્યું 'ભારત', કહ્યું- આપણે સંસ્થાનવાદી વારસાથી મુક્ત થવાની છે જરૂર

NDA vs INDIA: આસામના મુખ્ય પ્રધાન હિમંતા બિસ્વા સરમાએ મંગળવારે તેમના ટ્વિટર બાયોને 'ઇન્ડિયા' માંથી બદલીને 'ભારત' કરી દીધુ છે. વિપક્ષે યુપીએમાંથી તેમના ગઠબંધનનું નામ બદલીને 'INDIA' કર્યું. સીએમના જૂના ટ્વિટર બાયોમાં પહેલા 'Chief Minister of Assam, India' લખેલું હતું, જે તેમણે હવે 'Chief Minister of Assam, BHARAT'માં બદલ્યું છે. વિરોધ પક્ષોના ગઠબંધનના નવા નામ પર કટાક્ષ કરતા મુખ્ય પ્રધાને મંગળવારે દાવો કર્યો હતો કે અંગ્રેજોએ દેશનું નામ 'ઇન્ડિયા' રાખ્યું હતું. તેમણે કહ્યું કે આપણે રાષ્ટ્રને 'વસાહતી વારસો'માંથી મુક્ત કરવા માટે લડવું જોઈએ.

શાસક એનડીએનો સામનો કરવા માટે 26 વિપક્ષી દળોએ એકસાથે ગઠબંધન કર્યા પછી સરમાની ટિપ્પણી આવી. મુખ્યમંત્રીએ ટ્વિટર પર લખ્યું, "આપણી સંસ્કૃતિનો સંઘર્ષ 'ભારત અને ભારત'ની આસપાસ કેન્દ્રિત છે. અંગ્રેજોએ આપણા દેશનું નામ 'ઇન્ડિયા' રાખ્યું છે. આપણે આપણી જાતને સંસ્થાનવાદી વારસામાંથી મુક્ત કરવાનો પ્રયત્ન કરવો જોઈએ."

આગામી વર્ષની લોકસભા ચૂંટણીમાં સત્તારૂઢ ભારતીય જનતા પાર્ટી (BJP)ની આગેવાની હેઠળના NDAને મજબૂત પડકાર આપવાના પ્રયાસરૂપે, 26 વિરોધ પક્ષોએ તેમના જોડાણને ‘ઇન્ડિયન નેશનલ ડેવલપમેન્ટલ ઇન્ક્લૂસિવ એલાયન્સ (I.N.D.I.A.)' નામ આપ્યું છે.

કર્ણાટકની રાજધાની બેંગલુરુમાં વિરોધ પક્ષોની બેઠક બાદ સંયુક્ત પત્રકાર પરિષદમાં કોંગ્રેસ પ્રમુખ મલ્લિકાર્જુન ખડગેએ જણાવ્યું હતું કે, "અમારા ગઠબંધનનું નામ ‘ઇન્ડિયન નેશનલ ડેવલપમેન્ટલ ઇન્ક્લૂસિવ એલાયન્સ (I.N.D.I.A.)' હશે. બધાએ સર્વસંમતિથી પ્રસ્તાવને ટેકો આપ્યો હતો."

આ પણ વાંચો - શું સહારાની સ્કીમમાં પૈસા ફસાયા હતા? તો આવી ગયો છે ઉપાડનો સમય, 45 દિવસમાં બેન્ક એકાઉન્ટમાં આવશે રોકાણ, આ પોર્ટલ પર કરો અરજી