Gujarat Election 2022 UPDATE: ગુજરાત ચૂંટણીને લઇ જાણો તમામ નાની મોટી અપડેટ

GUJARAT ELECTIONS 2022: 

વડોદરા: શહેર જિલ્લા વિધાનસભાની 10 બેઠકો માટે વડાપ્રધાન ની આજે જાહેર સભા
વડાપ્રધાન હેલિકોપ્ટર મારફતે સીધા સભા સ્થળે ઉતરશે, સભામાં જંગી જનમેદની એકત્ર કરવા ટાર્ગેટ અપાયા છે, સભા મંડપમાં વિધાનસભા દીઠ 10 સેક્ટર બનાવાયા, આજે સભામાં વડાપ્રધાન મોદી બળવાખોરોને જડબાતોડ આપશે જવાબ, સાધુ સંતો સહિત 50 હજારથી વધુ લોકો રહેશે ઉપસ્થિત

ભાવનગર ખાતે પણ આજે વડાપ્રધાનની યોજાશે સભા
શહેરના ચિત્રા વિસ્તારમાં સાંજના સમયે યોજાશે વડાપ્રધાનની જંગી જાહેરસભા, ભાવનગર ગ્રામ્ય, ભાવનગર પૂર્વ અને ભાવનગર પશ્ચિમના ઉમેદવારોના સમર્થનમાં વડાપ્રધાનની યોજાશે સભા, વડાપ્રધાન નરેન્દ્ર મોદી 17 દિવસમાં બીજી વખત આવી રહ્યા છે ભાવનગરની મુલાકાતે..

ભાજપ ઉમેદવાર કૌશિક જૈન વિરુદ્ધ ફરિયાદ
ભાજપના ઉમેદવારના વાયરલ વીડિયોને લઈને રાજકારણ ગરમાયું છે. દરિયાપુર બેઠકના ભાજપના ઉમેદવાર કૌશિક જૈન અસમાજિક તત્ત્વો સાથે બેઠક કરતા હોય તેવો વીડિયો વાયરલ થયો છે. આ વીડિયોને લઈને દરિયાપુરના કોંગ્રેસ ઉમેદવાર ગ્યાસુદીન શેખે ચૂંટણીપંચને ફરિયાદ કરી છે. ભાજપના ઉમેદવાર મતદારોને ધાકધમકી આપતા હોય તેવો આક્ષેપ ગ્યાસુદીન શેખે કર્યો છે. તેમણે ચૂંટણીપંચ સમક્ષ લેખિત ફરિયાદ કરી છે. જેમાં તટસ્થ DCPની નિમણુંક કરી અસામાજીક તત્વોની પ્રવૃત્તિ બંધ કરવા ગ્યાસુદ્દીને માગ કરી છે.

ચાણસ્મા કોંગ્રેસના બે કદાવર નેતાઓ ભાજપમાં જોડાયા
ચાણસ્મા કોંગ્રેસમાં મોટું ભંગાણ પડ્યુ છે. કોંગ્રેસના બે કદાવર નેતાઓ ભાજપમાં જોડાયા છે. ચેહૂજી ઠાકોર અને કોંગ્રેસના પૂર્વ જિલ્લા પ્રમુખ એ.જે.પટેલ ભાજપમાં જોડાયા છે. જે.પી.નડ્ડાની હાજરીમાં તેઓ કમલમ ખાતે જોડાયા હતા. ભાજપમાં બંને નેતાઓ સાથે મોટી સંખ્યામાં સમર્થકો પણ ભાજપમાં જોડાયા છે. ચેહૂજી ઠાકોરને ચાણસ્મા બેઠક પર ટિકિટ ન મળતા પક્ષપલટો કર્યો હતો.

જમાલપુર ખાડિયા ભાજપના ઉમેદવારના સમર્થકોને મતદારે રોકડું પરખાવ્યું
પ્રચાર રાઉન્ડ માટે આવવા માટે સ્પષ્ટ ના પાડી, વિસ્તારમાં ભાજપે કોઈ વિકાસના કામો કર્યા નથી:મતદાર, પ્રચાર માટે આવશો તો જુત્તાનો હાર પહેરાવીને ઉગ્ર વિરોધ થશે, ભૂષણ ભટ્ટ સામે ખાડિયાના મતદારની નારાજગી આવી સામે