ગુજરાત વિધાનસભા ચૂંટણીના બીજા તબક્કાનું મતદાન, સવારે 9 વાગ્યા સુધી 4.75% મતદાન

GUJARAT ELECTION: ગુજરાત વિધાનસભા ચૂંટણી-2022માં આજે બીજા તબક્કાનું મતદાન યોજાઇ રહ્યું છે.. મતદાન સવારે 8 થી સાંજના 5 વાગ્યા સુધી યોજાશે. બીજા તબક્કામાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકો પર મતદાન થશે. બીજા તબક્કામાં 833 ઉમેદવારો ચૂંટણી લડી રહ્યા છે, જેમાં 69 મહિલા ઉમેદવારો પણ છે. 13 બેઠકો અનુસુચિત જનજાતિ માટે રિઝર્વ બેઠકો છે, જ્યારે 6 બેઠકો અનુસુચિત જાતિ માટે અનામત છે. બીજા તબક્કાની ચૂંટણીના મતદારો મુખ્યમંત્રી ભૂપેન્દ્ર પટેલ સહિત રાજ્યના 7 મંત્રીઓના ભાગ્યનો ફેસલો કરશે.

યુપીના રાજ્યપાલે ગુજરાતમાં કર્યું મતદાન
ગુજરાત વિધાનસભાની ચૂંટણીના બીજા તબક્કા દરમિયાન ઉત્તર પ્રદેશના રાજ્યપાલ આનંદીબેન પટેલે અમદાવાદમાં મતદાન કર્યું. તેમણે શીલજ અનુપમ સ્કૂલના પોલિંગ બૂથ 95 પર પોતાનો મત આપ્યો.

સવારે 9 વાગ્યા સુધી 4.75% મતદાન
ગુજરાત વિધાનસભા ચૂંટણીના બીજા તબક્કામાં સવારે 9 વાગ્યા સુધી 4.75% મતદાન નોંધાયું છે.

બીજા તબક્કામાં 14 જિલ્લાની આ વિધાનસભા બેઠકો પર મતદાન યોજાશે

પાટણ
રાધનપુર, ચાણસ્મા, પાટણ, સિદ્ધપુર

મહેસાણા
ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર

સાબરકાંઠા
હિંમતનગર, ઈડર, ખેડબ્રહ્મા (ST), પ્રાંતિજ

અરવલ્લી
ભિલોડા (ST), મોડાસા, બાયડ

ગાંધીનગર
દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ

અમદાવાદ
વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા

આણંદ
ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા

ખેડા
માતર, નડિયાદ, મહેમદાબાદ, મહુધા, ઠાસરા, કપડવંજ

મહીસાગર
બાલાસિનોર, લુણાવાડા, સંતરામપુર

પંચમહાલ
શહેરા, મોરવાહડફ, ગોધરા, કાલોલ, હાલોલ

દાહોદ
ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા

વડોદરા
સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ

છોટાઉદેપુર
છોટાઉદેપુર, જેતપુર (ST)