G20ના નાણામંત્રીઓની બેઠકમાં રશિયા-યુક્રેન યુદ્ધ રહશે સૌથી મોટો મુદ્દો, સાથે આ મુદ્દાઓ પણ ચર્ચાશે

નાણા પ્રધાનો અને કેન્દ્રીય બેંકના ગવર્નરોની G20 મીટિંગમાં રશિયા-યુક્રેન યુદ્ધ ચર્ચાના મુખ્ય વિષયો પૈકી એક હોવાની અપેક્ષા છે. આ બેઠક બેંગલુરુમાં 24-25 ફેબ્રુઆરીએ યોજાવા જઈ રહી છે. આ યુદ્ધને કારણે ખાસ કરીને યુક્રેનમાં લાખો લોકોનું જીવન નર્ક બની ગયું છે. આ સાથે નાણાકીય અસ્થિરતાનો ખતરો પણ ઉભો થયો છે. CNBC-TV18 એ જાણ્યું છે કે મંત્રી સ્તરની ઘોષણામાં પરમાણુ શસ્ત્રોના ઉપયોગની ધમકીની કડક ટીકાનો સમાવેશ થશે. ઉચ્ચ સ્તરીય બેઠક પહેલા, એક અધિકારીએ કહ્યું કે મુત્સદ્દીગીરી અને વાતચીત દ્વારા સંઘર્ષનો શાંતિપૂર્ણ ઉકેલ જરૂરી છે. આજનો યુગ યુદ્ધનો નથી.

રશિયા-યુક્રેન યુદ્ધને એક વર્ષ પૂર્ણ થયું છે

રશિયા અને યુક્રેન વચ્ચેના યુદ્ધને એક વર્ષ વીતી ગયું છે. ગયા વર્ષે 22 ફેબ્રુઆરીએ રશિયાએ યુક્રેન પર હુમલો કર્યો હતો. જોકે G20 એ સુરક્ષા મુદ્દાઓ પર ચર્ચા કરવા માટેનું મંચ નથી, એવી અપેક્ષા રાખવામાં આવે છે કે બેઠકમાં ભાગ લેનારા 72 પ્રતિનિધિઓ સંઘર્ષથી વૈશ્વિક અર્થતંત્રને કેવી રીતે નુકસાન થયું છે તેના પર વ્યાપક ચર્ચા કરશે. આ લડાઈને કારણે મોંઘવારી કેવી રીતે વધી, ઉર્જા અને ખાદ્ય સંકટની સ્થિતિ ઉભી થઈ. વૈશ્વિક અર્થવ્યવસ્થાનો વિકાસ અટકી ગયો છે.

સાથે મળીને પોલિસી બનાવવા પર સહમતિ બનાવી શકાય છે

નબળા દેશોને દેવાની જાળમાં ફસાતા બચાવવા જરૂરી

G20 દેશોના નાણા મંત્રીઓ ઓછી અને મધ્યમ આવક ધરાવતા દેશોના દેવાની જાળમાં ફસાઈ ન જાય તે માટેના ઉપાયો અંગે પણ ચર્ચા કરી શકે છે. ડેલિગેટ્સ દેવાની કટોકટીનો સામનો કરી રહેલા દેશોને મદદ કરવા માટે જાહેર અને ખાનગી નાણાકીય સંસ્થાઓ વચ્ચે વધુ સારા સંકલન પર પણ ભાર મૂકી શકે છે. સૂત્રોએ જણાવ્યું હતું કે ઘોષણામાં ઉલ્લેખ કરવામાં આવી શકે છે કે વૈશ્વિક અર્થવ્યવસ્થાના વિકાસમાં મંદીના કારણે ઉભરતા અને વિકાસશીલ દેશોની દેવાની કટોકટી વધુ વધી શકે છે. ભારતીય અધિકારીઓ શ્રીલંકા અને આફ્રિકન દેશોમાં દેવાની કટોકટીના વહેલા ઉકેલ માટે દબાણ કરી શકે છે.

આ પણ વાંચો - Layoff News: Twitterમાં ફરી Elon Muskએ કરી છટણી, આ કર્મચારીઓ પર ફરી કાતર