રાજસ્થાન વિધાનસભા ચૂંટણી પહેલા કોંગ્રેસને આંચકો આપવાની તૈયારીમાં સચિન પાયલટ, બનાવી શકે છે અલગ પાર્ટી

Rajasthan Assembly Elections: રાજસ્થાન વિધાનસભા ચૂંટણી પહેલા રાજ્યની સત્તાધારી પાર્ટી કોંગ્રેસને મોટો ઝટકો લાગ્યો હોય તેમ લાગી રહ્યું છે. રાજસ્થાનના પૂર્વ નાયબ મુખ્યપ્રધાન સચિન પાયલટ કોંગ્રેસ સાથેના સંબંધો તોડીને પોતાના માર્ગ પર ચાલવા તૈયાર જણાય છે. રાજસ્થાનના મુખ્ય પ્રધાન અશોક ગેહલોત સાથે સર્વોપરિતાની લડાઈમાં ફસાયેલા પાયલોટ, રાજ્યમાં ચૂંટણીના થોડા મહિના પહેલા જ પોતાની પાર્ટી શરૂ કરવાની આરે છે.

જો મીડિયા રિપોર્ટ્સનું માનીએ તો પ્રશાંત કિશોરની પોલિટિકલ એડવાઈઝરી ફર્મ I-PACS આ પ્રક્રિયામાં પાઈલટને મદદ કરી રહી છે. I-PAC સ્વયંસેવકોએ પાયલોટને 11 એપ્રિલે તેમની એક દિવસીય ભૂખ હડતાળની યોજના બનાવવામાં મદદ કરી હોવાનું માનવામાં આવે છે. તેમણે આ હડતાલ પૂર્વ મુખ્યમંત્રી વસુંધરા રાજેના કાર્યકાળ દરમિયાન કથિત ભ્રષ્ટાચાર પર કોઈ કાર્યવાહી ન કરવાના વિરોધમાં કરી હતી.

15 મેના રોજ યાત્રાના સમાપન પર, પાયલટે જયપુરના બહારના વિસ્તારમાં એક રેલીને સંબોધિત કરી, જેમાં તેણે ગેહલોત સરકાર પાસે ત્રણ માંગણીઓ કરી.

રાજે સરકાર દરમિયાન કથિત ભ્રષ્ટાચાર સામે કાર્યવાહી.

- રાજસ્થાન પબ્લિક સર્વિસ કમિશનનું પુનર્ગઠન

પરીક્ષા પેપર લીકથી પ્રભાવિત યુવાનોને વળતર

તેઓએ માંગણીઓ સંતોષવા માટે 31 મેની સમયમર્યાદા નક્કી કરી હતી, જો માંગણીઓ નહીં સંતોષાય તો રાજ્યવ્યાપી આંદોલન કરવાની ચીમકી આપી હતી.

આ પણ વાંચો - FD Rates: દેશની ટોપ બેન્કો FD પર આપી રહી છે સૌથી વધુ વ્યાજ, ચેક કરો વ્યાજ દર

એવી અટકળો છે કે પાયલટ 11 જૂને પિતા રાજેશ પાયલટની પુણ્યતિથિએ મોટી જાહેરાત કરવાની તૈયારી કરી રહ્યા છે. પાયલોટ આ પ્રસંગે રેલી યોજશે તેવી અપેક્ષા છે અને તે પછી તેની પાર્ટીની શરૂઆતની જાહેરાત કરવાની યોજના હોવાનું માનવામાં આવે છે. નવી પાર્ટીનું નામ 'પ્રોગ્રેસિવ કોંગ્રેસ' હોઈ શકે છે તેવું પણ જાણવા મળ્યું છે.