ઉનાળામાં સવારે ખાલી પેટે આ વસ્તુઓનું સેવન કરો, રહેશો ફિટ અને આખો દિવસ ફ્રેશ ફીલ કરશો

ઉનાળામાં શરીરમાં પાણીની થોડી પણ કમી આરોગ્ય અને ફિટનેસ પર ખરાબ અસર કરી શકે છે. આ સમયે ખાણીપીણીમાં ખાસ કાળજી રાખવી જરૂરી છે. જો સવારની શરૂઆત ખાલી પેટે યોગ્ય વસ્તુઓના સેવનથી થાય, તો આખો દિવસ તમે તાજગી અને સ્વસ્થતાનો અનુભવ કરી શકો છો. નિષ્ણાતોના જણાવ્યા મુજબ, ઉનાળામાં આ વસ્તુઓ સવારે ખાલી પેટે લેવાથી શરીરને ઘણો ફાયદો થાય છે.

1. કાકડી

2. આમળું અથવા આમળાનો રસ

આમળું ઉનાળામાં વિટામિન Cનો ઉત્તમ સ્ત્રોત છે. સવારે ખાલી પેટે આમળું કે તેનો રસ લેવાથી રોગપ્રતિકારક શક્તિ મજબૂત થાય છે, જે બીમારીઓથી બચાવે છે. આ પાચનક્રિયાને સુધારે છે, ત્વચાને સ્વચ્છ અને ચમકદાર રાખે છે તથા ગરમીની એલર્જીથી રક્ષણ આપે છે.

3. પલાળેલી બદામ

રાતભર પાણીમાં પલાળેલી 5-6 બદામ સવારે ખાલી પેટે ખાવાથી શરીર અને મગજ બંને સ્વસ્થ રહે છે. આનાથી દિમાગની કાર્યક્ષમતા વધે છે, કોલેસ્ટ્રોલ નિયંત્રણમાં રહે છે, પેટ સાફ રહે છે અને શરીરની કમજોરી દૂર થાય છે.

4. લીંબુ પાણી

હુંફાળા પાણીમાં લીંબુનો રસ અને થોડું મધ ઉમેરીને સવારે પીવું ઉનાળામાં ખૂબ ફાયદાકારક છે. આ શરીરમાંથી ઝેરી તત્ત્વો બહાર કાઢે છે, વજન નિયંત્રણમાં મદદ કરે છે, ત્વચાને ચમક આપે છે અને પેટને ઠંડક આપે છે.

5. તરબૂચ

તરબૂચ પાણીનો શ્રેષ્ઠ સ્ત્રોત છે. સવારે ખાલી પેટે તેનું સેવન શરીરને ત્વરિત ઊર્જા અને હાઇડ્રેશન પ્રદાન કરે છે. આ ડિહાઇડ્રેશનની સમસ્યા દૂર કરે છે, લોહીને શુદ્ધ રાખે છે અને ત્વચા તથા વાળને સ્વસ્થ રાખે છે.

6. પલાળેલી કિશમિશ

કિશમિશ આયર્ન અને ઊર્જાનો ભંડાર છે. સવારે 5-6 પલાળેલી કિશમિશ ખાવાથી લોહીની કમી દૂર થાય છે, પાચનક્રિયા સુધરે છે, શરીરમાં તાજગી આવે છે અને ગરમીનો થાક ઓછો થાય છે.

શા માટે જરૂરી છે આ ધ્યાન?

નિષ્ણાતોનું માનવું છે કે ઉનાળામાં શરીરને હાઇડ્રેટ અને ઠંડું રાખવું અત્યંત જરૂરી છે. સવારે ખાલી પેટે આ વસ્તુઓનું સેવન કરવાથી શરીરને પોષક તત્ત્વો મળે છે, જે આખો દિવસ તમને સ્ફૂર્તિલો અને સ્વસ્થ રાખે છે. આ ઉપરાંત, આ ટિપ્સ ત્વચા, પાચન અને રોગપ્રતિકારક શક્તિને મજબૂત બનાવવામાં પણ મદદરૂપ થાય છે.

આ પણ વાંચો-આ કંપનીએ કર્યો પેંશન મલ્ટીકેપ ફંડનો પ્લાન લૉન્ચ, 15 એપ્રિલ સુધી કરી શકશો સબ્સક્રાઈબ