Diabetes Treatment: ડાયાબિટીસનું જોખમ ફ્રીમાં ઘટશે, આ ટ્રીકને કરો ફોલો, વૈજ્ઞાનિકોએ કર્યો ખુલાસો

Diabetes Treatment: ડાયાબિટીસ એ લાંબા ગાળાની સ્વાસ્થ્ય સ્થિતિ છે જે તમારા શરીરને ખોરાકને ઊર્જામાં કેવી રીતે રૂપાંતરિત કરે છે તેના પર અસર કરે છે. ડાયાબિટીસના બે ટાઇપ છે: ટાઇપ 1 અને ટાઇપ 2. આમાંના મોટાભાગના લોકો ટાઇપ 2 ડાયાબિટીસની પીડિત હોય છે. ટાઇપ 2 ડાયાબિટીસમાં, શરીર ઇન્સ્યુલિનનો યોગ્ય રીતે ઉપયોગ કરી શકતું નથી (ઇન્સ્યુલિન પ્રતિકાર) અને બ્લડ સુગર સામાન્ય કરતાં વધી જાય છે.

ડાયાબિટીસને આ રીતે સમજો

જો કોઈ વ્યક્તિને ડાયાબિટીસ હોય, તો તેનું શરીર પૂરતું ઇન્સ્યુલિન ઉત્પન્ન કરતું નથી અથવા તેનો જોઈએ તેટલો ઉપયોગ કરી શકતું નથી. જ્યારે પૂરતું ઇન્સ્યુલિન ન હોય અથવા કોષો ઇન્સ્યુલિનને પ્રતિસાદ આપવાનું બંધ કરે, ત્યારે તમારા લોહીના પ્રવાહમાં વધુ પડતી ખાંડ રહે છે, જે સમય જતાં હૃદય રોગ, આંખની સમસ્યાઓ અને કિડની રોગ જેવી ગંભીર સમસ્યાઓનું કારણ બની શકે છે.

તાજેતરમાં, લેન્સેટ ડાયાબિટીસ અને એન્ડોક્રિનોલોજી જર્નલમાં એક રિવ્યૂ પ્રકાશિત કરવામાં આવ્યો છે જેમાં કહેવામાં આવ્યું છે કે ઝડપી ચાલવાથી ટાઇપ 2 ડાયાબિટીસનું જોખમ ઘટાડી શકાય છે.

રિવ્યૂમાં શું બહાર આવ્યું?

જે લોકોની ચાલવાની ઝડપ 3 કિમી પ્રતિ કલાક અથવા 1.86 માઇલ પ્રતિ કલાકથી વધુ હતી તેમને ટાઇપ 2 ડાયાબિટીસ થવાનું જોખમ ઓછું હતું. લેન્સેટ ડાયાબિટીસ એન્ડ એન્ડોક્રિનોલોજી જર્નલમાં એક રિવ્યૂમાં જાણવા મળ્યું છે કે 1 કિમી પ્રતિ કલાકની ઝડપે ચાલવાથી ડાયાબિટીસની ઘટનાઓ 9 ટકા ઘટી શકે છે. જો ઝડપ 6 કિમી પ્રતિ કલાક અથવા 3.7 માઈલ પ્રતિ કલાકથી વધુ હોય તો ડાયાબિટીસનું જોખમ 39 ટકા ઘટાડી શકાય છે.

‘જો કે મેક્સિમમ બેનિફિટ્સ માટે ઝડપી ચાલવાની સલાહ આપવામાં આવે છે, પરંતુ એ પણ મહત્વનું છે કે લોકો તે ગતિએ ચાલે જે તેઓ જાળવી શકે.'

11 વર્ષના રિસર્ચનું વિશ્લેષણ કરવામાં આવ્યું

ઈમ્પીરીયલ કોલેજ લંડનના સંશોધકોએ છેલ્લા 11 વર્ષમાં હાથ ધરાયેલા 10 સંશોધનો પર ધ્યાન આપ્યું અને ડાયાબિટીસ યુકેના વરિષ્ઠ સલાહકાર નીલ ગિબ્સને જણાવ્યું કે, 'તેજીથી ચાલવા જેવી પ્રવૃત્તિમાં વધારો કરવો વધુ ફાયદાકારક છે. 'ટાઈપ 2 ડાયાબિટીસ થવાનું જોખમ ઘટાડવામાં કેટલી ઝડપથી ચાલવું મદદ કરી શકે છે તેની પુષ્ટિ કરવા અમે વધુ સંશોધન કરી રહ્યા છીએ.'

ઈરાનની સેમનાન યુનિવર્સિટી ઓફ મેડિકલ સાયન્સના લેખક ડૉ.અહેમદ ઝૈદીએ કહ્યું, 'લાંબા સમય સુધી ચાલવું ફાયદાકારક છે, પરંતુ લોકોએ ઝડપથી ચાલવા પર પણ ધ્યાન આપવું જોઈએ, જેથી તેમને વધુ લાભ મળી શકે.'

આ પણ વાંચો-Guava Leaves Benefits: જામફળ તો ઠીક પણ તેના પાન ખાવાથી પેટ થઈ જશે એકદમ સાફ, કબજિયાત દૂર થઈ જશે