શું કામનું વધતું દબાણ બગાડે છે માનસિક સ્વાસ્થ્ય, આ ટિપ્સથી મળશે વર્ક સ્ટ્રેસથી તુરંત રાહત

આજના ઝડપી જીવનમાં કામનું દબાણ એક સામાન્ય બાબત બની ગઈ છે, પરંતુ આ દોડધામમાં લોકો ઘણીવાર ભૂલી જાય છે કે તેની સૌથી મોટી અસર મગજ પર પડે છે. વધતા વર્ક પ્રેશરને કારણે માનસિક સ્વાસ્થ્યને નુકસાન થાય છે, જે ઘણીવાર સ્ટ્રેસ અને ડિપ્રેશનમાં ફેરવાઈ જાય છે. તો ચાલો જાણીએ, કામના વધતા દબાણ વચ્ચે માનસિક સ્વાસ્થ્યનું ધ્યાન કેવી રીતે રાખવું? એલાઇવ હેલ્થના હેબિટ કોચ અને ક્લિનિકલ સાયકોલોજિસ્ટ ભાવના શ્યામ આ માટે કેટલીક ઉપયોગી ટિપ્સ શેર કરી રહ્યાં છે.

વર્ક પ્રેશર વચ્ચે મગજની સંભાળ રાખવાની રીતો

નાના બ્રેક લો: કામની વ્યસ્તતા વચ્ચે નાના-નાના વિરામ લેવા જરૂરી છે. સતત કામ કરવાથી મગજને આરામ કે વિચારવાનો મોકો નથી મળતો. દર બે-ત્રણ કલાકે 5 મિનિટનો બ્રેક લો, જેમાં સ્ક્રીનથી દૂર રહીને માત્ર પોતાની સાથે સમય વિતાવો. આ થકાવટ ઘટાડશે અને મનને શાંતિ આપશે.

સમયનું સંચાલન કરો: જો તમે સમયનું યોગ્ય સંચાલન નહીં કરો તો વર્ક પ્રેશરનો શિકાર થશો અને જીવનમાં પણ પાછળ રહી જશો. કામને સારી રીતે ગોઠવવા માટે ટાઇમ ટેબલ બનાવો અને તેનું પાલન કરો. આ સૂચિ કામ સમયસર પૂરું કરવામાં મદદ કરશે અને તમે તણાવમુક્ત રહેશો.

સકારાત્મક વિચારો રાખો: "હું ઘણું પાછળ રહી ગયો" કે "મારાથી નહીં થાય" જેવા નકારાત્મક વિચારોને મગજમાં ન આવવા દો. પોતાના વિશે નકારાત્મક લાગણી વ્યક્તિને ઊંડા ડિપ્રેશનમાં ધકેલી શકે છે. તેના બદલે હંમેશાં સકારાત્મક વિચારો અને પોતાના પર ભરોસો રાખો.

પૂરતી ઊંઘ લો: 8થી 9 કલાકની ઊંઘ પૂરી થશે તો તણાવ ઓછો રહેશે, કામમાં મન લાગશે અને વર્ક પ્રેશરને સંભાળવાની તાકાત મળશે. તેથી સમયસર અને વહેલું સૂઈ જાઓ, ઊંઘ પૂરી કરો.

વર્કઆઉટ કરો: જીવનશૈલીમાં વર્કઆઉટ, યોગ કે મેડિટેશનને સામેલ કરો. આ કસરતો મગજમાંથી સ્ટ્રેસ હોર્મોન્સને બહાર કાઢવામાં મદદ કરે છે, જેથી માનસિક શાંતિ મળે છે.

આ ટિપ્સ અપનાવીને તમે કામના દબાણ વચ્ચે પણ તમારા માનસિક સ્વાસ્થ્યને સાચવી શકો છો અને તણાવમુક્ત જીવન જીવી શકો છો.

આ પણ વાંચો- 2000 રૂપિયાથી વધુના UPI ટ્રાન્ઝેક્શન પર GST લાગશે? સરકારે કહ્યું- આવી કોઈ યોજના નથી