iPhone Call Recording: iPhoneમાં કેવી રીતે કરી શકાય Call Recording? આસાન છે આ રીત પણ કરવો પડશે થોડો ખર્ચો

iPhone Call Recording: iPhone પર કૉલ રેકોર્ડિંગ કેવી રીતે કામ કરે છે? iPhone યુઝર્સ વારંવાર આ પ્રશ્નો પૂછતા જોવા મળે છે. ભલે ગૂગલે હવે તેના ડાયલરમાંથી Call Recording ફીચર હટાવી દીધું છે, પરંતુ આ ફીચર ક્યારેય iPhone પર ઉપલબ્ધ નહોતું. કંપની ગોપનીયતાના કારણોસર Call Recordingની સુવિધા આપતી નથી.

હવે પ્રશ્ન એ આવે છે કે શું તમે iPhone માં કોલ રેકોર્ડ કરી શકો છો. જો કે iPhone પર Call Recording માટે કોઈ અલગ વિકલ્પ નથી, પરંતુ તમે બાહ્ય ડિવાઇસની મદદથી આ કરી શકો છો.

મેગ્નેટિક સ્નેપ-ઓન કોલ રેકોર્ડર નામની પ્રોડક્ટ માર્કેટમાં ઉપલબ્ધ છે. તેની મદદથી iPhone પર Call Recording કરી શકાય છે. જો કે, તમારે આ ડિવાઇસને અલગથી ખરીદવું પડશે અને તેને iPhoneની પાછળ ચોંટી જવું પડશે. આ ડિવાઇસ લિથિયમ પોલિમર બેટરી સાથે આવે છે.

તેને મેગ્મો દ્વારા વિકસાવવામાં આવ્યું છે. કંપનીનો દાવો છે કે તેની મદદથી તમે કોઈપણ કોલ રેકોર્ડ કરી શકો છો. આ એક Call Recording ડિવાઇસ છે, જેને તમે ફોન સાથે જોડી શકો છો. તેમાં એક બટન આપવામાં આવ્યું છે, એકવાર તમે તેને ઓન કરી લો તો તમારા iPhone પર આવતા નોર્મલ કોલ્સ અને વોટ્સએપ કોલ પણ રેકોર્ડ કરી શકાય છે.

કંપનીનો દાવો છે કે તેણે આ માટે પીઝો સેન્સરનો ઉપયોગ કર્યો છે, જે ફોનના માઈક્રોફોનની જગ્યાએ વાઈબ્રેશનને કેપ્ચર કરે છે. આ ડિવાઈસને ઈન્ટરનેટની જરૂર નથી કે તમારે તેના માટે કોઈ પૈસા પણ આપવાના નથી. તમે તેનો ઉપયોગ બાહ્ય સ્ટોરેજ તરીકે કરી શકો છો.

કિંમત કેટલી છે?

તમે રેકોર્ડ કરેલા કોલ્સ લેપટોપ અથવા અન્ય કોઈપણ ડિવાઇસ પર સ્થાનાંતરિત કરી શકો છો. ડિવાઇસ 32GB સ્ટોરેજ ક્ષમતા સાથે આવે છે. કંપનીના જણાવ્યા અનુસાર, મેગ્નેટિક સ્નેપ-ઓન કોલ રેકોર્ડરની બેટરી લાઇફ 7 કલાક છે. તમે તેને બે રંગ વિકલ્પોમાં ખરીદી શકો છો.

જો કે, તેની કિંમત ઘણી વધારે છે. આ માટે તમારે અંદાજે 10 હજાર રૂપિયા ખર્ચવા પડશે. તેના બ્લેક કલર વેરિઅન્ટની કિંમત 9,390 રૂપિયા છે, જે એમેઝોન પર લિસ્ટેડ છે. તમે 11,949 રૂપિયામાં સફેદ રંગનો વિકલ્પ ખરીદી શકો છો.

આ પણ વાંચો-Ancient Egypt: વૈજ્ઞાનિકોએ 4500 વર્ષ જૂની સ્ફીંક્સની મૂર્તિનું રહસ્ય ઉકેલ્યું, આ રીતે થયું હતું તેનું નિર્માણ