kidney failure: બંને કિડની ખરાબ થઈ જાય તો શું? નિષ્ણાતો શું કહે છે, જાણો વિગતે

kidney failure: કિડની આપણા શરીરનું એક મહત્વનું અંગ છે, જે લોહીને શુદ્ધ કરીને પેશાબ બનાવે છે અને બ્લડ પ્રેશર તેમજ હોર્મોન્સનું નિયંત્રણ કરે છે. જો બંને કિડની સંપૂર્ણપણે ખરાબ થઈ જાય, તો શરીર ઝેરી તત્વો અને વધારાનું પાણી બહાર કાઢી શકતું નથી. આ સ્થિતિને યૂરેમિયા કહેવાય છે. નિષ્ણાતોના મતે, જો કોઈ વ્યક્તિની બંને કિડની નિષ્ફળ જાય અને સારવાર ન લેવામાં આવે, તો તે થોડા દિવસથી લઈને 2-3 અઠવાડિયા સુધી જીવી શકે છે. આ સમયગાળો વ્યક્તિની ઉંમર, શારીરિક સ્થિતિ અને કિડની ફેલ થવાની ઝડપ પર આધાર રાખે છે.

નેફ્રોલોજિસ્ટ ડૉક્ટર્સના જણાવ્યા પ્રમાણે કિડની ફેલ થવાથી હાથ-પગમાં સોજો, થાક અને નબળાઈ જેવા લક્ષણો દેખાય છે. જો સમયસર સારવાર ન થાય, તો હાઈ બ્લડ પ્રેશર, શ્વાસની તકલીફ, કોમા અને મૃત્યુ પણ થઈ શકે છે.

ડાયાલિસિસ અને ટ્રાન્સપ્લાન્ટ: જીવન બચાવનો રસ્તો

જો બંને કિડની ખરાબ થઈ જાય, તો ડાયાલિસિસ અથવા કિડની ટ્રાન્સપ્લાન્ટ એ બે મુખ્ય વિકલ્પો છે. ડાયાલિસિસ શરીરમાંથી ઝેરી તત્વો અને વધારાનું પાણી બહાર કાઢે છે, જેનાથી દર્દી વર્ષો સુધી સ્વસ્થ જીવન જીવી શકે છે. બીજી તરફ, કિડની ટ્રાન્સપ્લાન્ટ એ લાંબા ગાળાનો ઉકેલ છે, જે સફળ થાય તો દર્દી સામાન્ય જીવન જીવી શકે છે.

કિડનીને સ્વસ્થ રાખવા માટે જીવનશૈલીમાં થોડા સરળ ફેરફારો કરવા જરૂરી છે:

હાઈડ્રેશન: દરરોજ પૂરતું પાણી પીઓ, જેથી કિડની યોગ્ય રીતે કામ કરી શકે.

સંતુલિત આહાર: નમક અને ખાંડનું સેવન ઓછું કરો. તાજા ફળો અને શાકભાજી ખાઓ.

નિયમિત વ્યાયામ: રોજ 30 મિનિટની શારીરિક પ્રવૃત્તિ કરો, જેમ કે ચાલવું કે યોગ.

બ્લડ પ્રેશર અને શુગર નિયંત્રણ: ડાયાબિટીસ અને હાઈ બ્લડ પ્રેશર કિડની ફેલ્યરનું મુખ્ય કારણ છે. તેને નિયંત્રણમાં રાખો.

ધૂમ્રપાન અને દવાઓથી બચો: ધૂમ્રપાન અને પેઈનકિલર્સનો વધુ પડતો ઉપયોગ કિડનીને નુકસાન પહોંચાડે છે.

ડિસ્ક્લેમર: આ લેખમાં આપેલી માહિતી સામાન્ય જાણકારી માટે છે. કોઈપણ સ્વાસ્થ્ય સમસ્યા કે ડાયટમાં ફેરફાર કરતા પહેલાં ડૉક્ટરની સલાહ જરૂર લો.

આ પણ વાંચો-1લી નવેમ્બરથી બદલાશે બેન્કના નિયમો, મળશે નવા નોમિનીનો ઓપ્શન; ગ્રાહકોને થશે નોંધપાત્ર ફાયદો