ટ્રમ્પનો ટેક વિશ્વ પર હુમલો: મસ્કથી લઈને ઝકરબર્ગ સુધી CEOને બનાવ્યા છે નિશાન

Donald Trump Tech CEO: અમેરિકાના રાષ્ટ્રપતિ ડોનાલ્ડ ટ્રમ્પે હંમેશા પોતાની આકરી ટિપ્પણીઓથી ચર્ચામાં રહે છે. તાજેતરમાં તેમણે ઈન્ટેલના CEO લિપુ-બૂ ટેનને રાજીનામું આપવાનું કહ્યું, જેમાં ચીની કંપનીઓ સાથેના સંબંધોનો હવાલો આપ્યો. પરંતુ આ પહેલી વખત નથી કે ટ્રમ્પે કોઈ ટેક દિગ્ગજને નિશાન બનાવ્યા હોય. ટેસ્લાના એલન મસ્ક, એપલના ટિમ કૂક, ગૂગલના સુંદર પિચાઈ અને મેટાના માર્ક ઝકરબર્ગ પણ ટ્રમ્પના નિશાના પર રહી ચૂક્યા છે.

સોશિયલ મીડિયા પર ખુલ્લેઆમ ટીકા

ટ્રમ્પે પોતાના સોશિયલ મીડિયા પ્લેટફોર્મ Truth પર ઈન્ટેલના CEO લિપુ-બૂ ટેનને "અત્યંત વિવાદાસ્પદ" ગણાવીને તાત્કાલિક રાજીનામું આપવા જણાવ્યું. આ ઉપરાંત, તેમણે ટેસ્લા અને સ્પેસએક્સના એલન મસ્ક, એપલના ટિમ કૂક, ગૂગલના સુંદર પિચાઈ, મેટાના માર્ક ઝકરબર્ગ અને વોલમાર્ટના ડગ મેકમિલન પર પણ આકરી ટીકાઓ કરી છે.

એલન મસ્કને ગણાવ્યા 'પાગલ'

ગૂગલના સર્ચ રિઝલ્ટ પર ‘ફરજી’નો આરોપ

ટ્રમ્પે ગૂગલના CEO સુંદર પિચાઈને પણ નિશાન બનાવ્યા. બ્લૂમબર્ગ સાથેના ઈન્ટરવ્યૂમાં તેમણે ગૂગલના સર્ચ રિઝલ્ટને "ફરજી" ગણાવ્યા, એવો આરોપ લગાવ્યો કે પ્લેટફોર્મ નકારાત્મક સ્ટોરીને પ્રાથમિકતા આપે છે, જ્યારે સકારાત્મક સ્ટોરી શોધવી મુશ્કેલ છે. ટ્રમ્પે પિચાઈને ફોન કરીને કહ્યું હતું કે તેમને સારી સ્ટોરી મળે છે, પરંતુ ગૂગલમાં તે દેખાતી નથી.

માર્ક ઝકરબર્ગને જેલની ધમકી

મેટાના CEO માર્ક ઝકરબર્ગ પણ ટ્રમ્પની ટીકાથી બચ્યા નથી. ટ્રમ્પે ઝકરબર્ગ પર આકરા પ્રહાર કરતાં કહ્યું કે ફેસબુકે તેમની વિરુદ્ધ કામ કર્યું. તેમણે ચેતવણી આપી કે જો ઝકરબર્ગે કંઈપણ ગેરકાયદેસર કર્યું તો તેમણે જેલમાં જવું પડશે.

એપલના ટિમ કૂક પર ટેરિફનો ડર

એપલના CEO ટિમ કૂક પણ ટ્રમ્પના ગુસ્સાનો શિકાર બન્યા. ટ્રમ્પે એપલના આઈફોન ભારત જેવા દેશોમાં બનાવવા બદલ ટીકા કરી. મે 2025માં ટ્રમ્પે કૂક સાથે દોહામાં થયેલી મુલાકાતનો ઉલ્લેખ કરીને કહ્યું કે તેમણે એપલને અમેરિકામાં ઉત્પાદન કરવાની સલાહ આપી હતી. ટ્રમ્પે વિદેશમાં બનેલા એપલ પ્રોડક્ટ્સ પર 25% ટેરિફ લગાવવાની ધમકી પણ આપી.

આ પણ વાંચો-CG POWER ટૂંક સમયમાં સેમિકન્ડક્ટર ચિપ્સનું શરુ કરશે ઉત્પાદન, ગુજરાતના સાણંદ પ્લાન્ટથી થશે પ્રારંભ