New Year 2024 News: મુંબઈમાં નવા વર્ષ નિમિત્તે થઇ રહી હતી રેવ પાર્ટી, પોલીસે 100 યુવક-યુવતીઓને પકડ્યા

New Year 2024 News: નવા વર્ષની ઉજવણી પહેલા જ પોલીસે મુંબઈને અડીને આવેલા થાણેમાં રેવ પાર્ટીનો પર્દાફાશ કર્યો છે. થાણે પોલીસની ક્રાઈમ બ્રાન્ચની ટીમે આ પાર્ટી વિરુદ્ધ કાર્યવાહી કરી અને 100થી વધુ યુવકોની અટકાયત કરી.

100થી વધુ યુવાનોની અટકાયત કર્યા બાદ પોલીસે તેમની મેડિકલ તપાસ હાથ ધરી છે. આ લોકો પર આ રેવ પાર્ટીમાં ડ્રગ્સ લેવાનો આરોપ છે. પોલીસે રાત્રે લગભગ 2 વાગ્યે આ દરોડો પાડ્યો હતો જેમાં એલએસડી, ચરસ, ગાંજા જેવા ડ્રગ્સ પણ મળી આવ્યા હતા.

આ પાર્ટી ખાનગી પ્લોટમાં ચાલી રહી હતી અને આ પાર્ટીમાં એલએસડી, ચરસ, ગાંજા સહિત પાઇપ, દારૂ જેવા અનેક નશીલા પદાર્થો ઉપલબ્ધ કરાવવામાં આવ્યા હતા. આ રેવ પાર્ટીનો માસ્ટર માઈન્ડ કલવા ડોમ્બિવલી વિસ્તારનો રહેવાસી છે.

પોલીસે રેવ પાર્ટીમાં ભાગ લેનારા લોકોના 19 ટુ-વ્હીલર પણ જપ્ત કર્યા છે. ધરપકડ કરાયેલા તમામ લોકોને મેડિકલ તપાસ માટે થાણે સિવિલ હોસ્પિટલમાં લઈ જવામાં આવ્યા છે.

આ પણ વાંચો - Frost Protection for Plants: પાકને શીત લહેર અને હિમથી કેવી રીતે બચાવશો અને ક્યારે આપશો પિયત? વિશ્લેષકોએ ખેડૂતોને આપી સલાહ