China Population: ચીનમાં સતત બીજા વર્ષે વસ્તી ઘટી, વૃદ્ધોના ભરોશે લટકતી ડ્રેગનની અર્થવ્યવસ્થા

China Population: દાયકાઓ સુધી વિશ્વમાં સૌથી વધુ વસ્તી ધરાવતો દેશ ચીનની વસ્તીમાં સતત બીજા વર્ષે ઘટાડો નોંધાયો છે. નબળા આર્થિક વિકાસના સંકટનો સામનો કરી રહેલા ચીન માટે આ સ્થિતિ પડકારજનક છે. નિષ્ણાતોનું કહેવું છે કે આના કારણે આવનારા વર્ષોમાં ચીનની યુવા વસ્તી ઝડપથી ઘટશે અને અર્થવ્યવસ્થા પર બોજ વધશે. કામ કરવા ઈચ્છુક યુવાનોની સંખ્યામાં ઘટાડો થશે, જ્યારે વૃદ્ધોની સંખ્યામાં ઝડપથી વધારો થશે. આવી સ્થિતિમાં ચીન માટે તેના આર્થિક વિકાસને વેગ આપવો આસાન નહીં હોય. ચીને લાંબા સમયથી એક બાળકની નીતિ અપનાવી હતી. તેના કારણે પણ ઘટાડો નોંધાયો છે.

તાજેતરમાં જ ચીને વન ચાઈલ્ડ પોલિસી પાછી ખેંચી લીધી હતી, પરંતુ હવે પણ વધતી મોંઘવારી સહિતના અનેક કારણોને લીધે લોકો વધુ બાળકો પેદા કરવામાં રસ લેતા નથી. સ્થિતિ એ છે કે ચીનની સરકાર હવે એકથી વધુ બાળકો રાખવા પર સબસિડી આપી રહી છે અને આ માટે અભિયાન પણ ચાલી રહ્યું છે. ચીનના આંકડાકીય બ્યુરોએ કહ્યું, ‘2023ના અંતે દેશની વસ્તી 1 અબજ 40 કરોડ હતી. આ 2022 ના છેલ્લા રાઉન્ડ કરતા 2 મિલિયન ઓછા છે. ચીનમાં 2023માં વસ્તીમાં ઘટાડો 2022 કરતા બમણો છે. 1960 પછી પ્રથમ વખત 2022માં દેશમાં વસ્તીમાં ઘટાડો થયો હતો. તે સમયે દેશની વસ્તીમાં 8 લાખ 50 હજારનો ઘટાડો થયો હતો.

ઇટાલી, જાપાન, રશિયા અને દક્ષિણ કોરિયા સહિતના આ દેશોમાં વસ્તી ઘટી રહી છે

ચીનના ઝડપી આર્થિક વિકાસનું એક કારણ તેની મોટી વસ્તી અને કર્મચારીઓમાં તેનો હિસ્સો છે. પરંતુ હવે જ્યારે વસ્તી ઘટી રહી છે ત્યારે યુવાનોની વસ્તીમાં પણ ઘટાડો જોવા મળી રહ્યો છે. એટલું જ નહીં, આવનારા દાયકાઓમાં આ સંકટ વધુ ઘેરાય તેવી શક્યતા છે. તમને જણાવી દઈએ કે જાપાન, દક્ષિણ કોરિયા, રશિયા, ઈટાલી જેવા ઘણા દેશ છે જ્યાં વસ્તી ઝડપથી ઘટી છે. હાલમાં જ પુતિને રશિયાની મહિલાઓને વધુમાં વધુ બાળકો પેદા કરવાની અપીલ કરી હતી.

આ પણ વાંચો - Food For Brain: બાળકોના મગજને કોમ્પ્યુટર જેવું શાર્પ બનાવવા આ વસ્તુઓનો ફૂડમાં કરો સમાવેશ, બ્રેન પાવર થશે બુસ્ટ