Mine Blast: LoC પર લેન્ડમાઈન બ્લાસ્ટ, અગ્નિવીર શહીદ, બે જવાન ઘાયલ, IB પર મળી સુરંગ

Mine Blast: જમ્મુ ડિવિઝનના રાજોરી જિલ્લાના નૌશેરામાં ભારત-પાકિસ્તાન નિયંત્રણ રેખા નજીકના ફોરવર્ડ વિસ્તારમાં લેન્ડમાઇન વિસ્ફોટ થયો હતો. જેના કારણે એક જવાન શહીદ થયો હતો અને બે ઘાયલ થયા હતા. આ વિસ્ફોટ ત્યારે થયો જ્યારે સૈનિકો ફોરવર્ડ વિસ્તારમાં પેટ્રોલિંગ કરી રહ્યા હતા.

મળતી માહિતી મુજબ, રાજોરી જિલ્લાના કલાલમાં ભારત-પાકિસ્તાન નિયંત્રણ રેખા નજીક પોખરા આગળની પોસ્ટની નજીક પેટ્રોલિંગ દરમિયાન ગુરુવારે સવારે લગભગ 10.30 વાગ્યે એક લેન્ડમાઇન વિસ્ફોટ થયો હતો. જેના કારણે એક જવાન શહીદ થયો હતો અને બે જવાન ઘાયલ થયા હતા. અકસ્માતની માહિતી મળતાની સાથે જ અન્ય સૈનિકો તાત્કાલિક ઘટનાસ્થળે પહોંચી ગયા હતા. ઈજાગ્રસ્તોને સારવાર માટે નજીકની હોસ્પિટલમાં લઈ જવામાં આવ્યા હતા. પ્રાથમિક સારવાર બાદ ઘાયલ સૈનિકને એરલિફ્ટ દ્વારા ઉધમપુર કમાન્ડ હોસ્પિટલમાં ખસેડવામાં આવ્યો હતો.

ઈન્ટરનેશનલ બોર્ડર (IB) પાસે ટનલની માહિતીના આધારે સર્ચ ઓપરેશન શરૂ કરાયું

બીજી તરફ, જમ્મુ જિલ્લાને અડીને આવેલા સાંબા જિલ્લામાં આંતરરાષ્ટ્રીય બોર્ડર (IB) પાસે એક શંકાસ્પદ સુરંગ મળી હોવાની માહિતી મળી રહી છે. માહિતી મળતાની સાથે જ પોલીસ અને સુરક્ષા દળોની ટીમ ઘટનાસ્થળે પહોંચી ગઈ હતી. ટીમે વિસ્તારને કોર્ડન કરીને સર્ચ ઓપરેશન શરૂ કર્યું છે. શોધખોળ માટે સ્નિફર ડોગ અને આધુનિક સાધનોની મદદ લેવામાં આવી હતી. જેસીબી પણ સ્થળ પર બોલાવવામાં આવ્યું હતું. લગભગ છ કલાક સુધી ઓપરેશન ચાલ્યું. અધિકારીઓએ જણાવ્યું કે હાલ ઘટનાસ્થળે કોઈ ટનલ મળી નથી. ગણતંત્ર દિવસને લઈને કડક દેખરેખ રાખવામાં આવી રહી છે.

આ પણ વાંચો - China Population: ચીનમાં સતત બીજા વર્ષે વસ્તી ઘટી, વૃદ્ધોના ભરોશે લટકતી ડ્રેગનની અર્થવ્યવસ્થા