PM MODI: રામ મંદિર પ્રાણ પ્રતિષ્ઠા બાદ PM મોદીની મોટી જાહેરાત, ‘પ્રધાનમંત્રી સૂર્યોદય યોજના' કરી જાહેર

Pradhanmantri Suryodaya Yojana: વડા પ્રધાન નરેન્દ્ર મોદીએ સોમવારે રામ મંદિરના અભિષેક પ્રસંગે “પ્રધાનમંત્રી સૂર્યોદય યોજના”ની જાહેરાત કરી હતી, જે અંતર્ગત 1 કરોડ ઘરોમાં રૂફટોપ સોલર લગાવવામાં આવશે. પીએમ મોદીએ પોતે ટ્વીટ કરીને આ જાણકારી આપી હતી. તેમણે લખ્યું, “દુનિયાના તમામ ભક્તોને સૂર્યવંશી ભગવાન શ્રી રામના પ્રકાશથી હંમેશા ઊર્જા મળે છે. આજે, અયોધ્યામાં પ્રાણ પ્રતિષ્ઠાના શુભ અવસર પર, મારો સંકલ્પ વધુ મજબૂત થયો છે કે ભારતીયોની છત પર તેમની પોતાની સોલર રૂફ ટોપ સિસ્ટમ હોવી જોઈએ."

તેમણે વધુમાં કહ્યું કે, “અયોધ્યાથી પરત ફર્યા બાદ મેં પહેલો નિર્ણય લીધો છે કે અમારી સરકાર 1 કરોડ ઘરો પર રૂફટોપ સોલર લગાવવાના લક્ષ્ય સાથે ‘પ્રધાનમંત્રી સૂર્યોદય યોજના’ શરૂ કરશે. આનાથી માત્ર ગરીબ અને મધ્યમ વર્ગના વીજળીના બિલમાં ઘટાડો થશે નહીં, પરંતુ તે ભારતને ઉર્જા ક્ષેત્રમાં આત્મનિર્ભર બનાવશે.

सूर्यवंशी भगवान श्री राम के आलोक से विश्व के सभी भक्तगण सदैव ऊर्जा प्राप्त करते हैं। आज अयोध्या में प्राण-प्रतिष्ठा के शुभ अवसर पर मेरा ये संकल्प और प्रशस्त हुआ कि भारतवासियों के घर की छत पर उनका अपना सोलर रूफ टॉप सिस्टम हो। अयोध्या से लौटने के बाद मैंने पहला निर्णय लिया है कि… pic.twitter.com/GAzFYP1bjV

— Narendra Modi (@narendramodi) January 22, 2024

આ પહેલા સોમવારે અયોધ્યામાં રામ મંદિરના ગર્ભગૃહમાં શ્રી રામલલાની નવી મૂર્તિનો અભિષેક સંપન્ન થયો હતો, જેને દેશ-વિદેશના લાખો રામ ભક્તોએ નિહાળ્યો હતો અને આ પ્રસંગે વિશેષ અનુષ્ઠાનમાં ભાગ લીધા બાદ, વડાપ્રધાન નરેન્દ્ર મોદીએ તેને અલૌકિક ક્ષણ ગણાવી હતી.કહેતા 'સિયાવર રામચંદ્ર કી જય' અને 'જય શ્રી રામ'ની ઘોષણા કરવામાં આવી હતી.

આ પણ વાંચો - Ram Mandir: PM મોદીએ શેર કર્યો અયોધ્યા મુલાકાતનો વીડિયો, કહ્યું- ગઈકાલે જે પણ જોયું તે હંમેશા યાદોમાં રહેશે