Pakistan New PM: શાહબાઝ શરીફ બીજી વખત બનશે પાકિસ્તાનના વડાપ્રધાન, શપથ પહેલા જ ઓક્યું ભારત વિરુદ્ધ ઝેર

Pakistan New PM: શાહબાઝ શરીફ આજે પાકિસ્તાનના વડાપ્રધાન તરીકે શપથ લેશે. સૂત્રોએ જણાવ્યું કે રાષ્ટ્રપતિ આરિફ અલ્વી સોમવારે બપોરે 3 વાગ્યે રાષ્ટ્રપતિ ભવનમાં એક સમારોહ દરમિયાન શાહબાઝને પદના શપથ લેવડાવશે. સૂત્રોએ જણાવ્યું કે આર્મી ચીફ જનરલ અસીમ મુનીર, કેર ટેકર વડાપ્રધાન અનવારુલ હક કાકર, તમામ પ્રાંતોના મુખ્યમંત્રીઓ અને રાજ્યપાલો આ સમારોહમાં હાજરી આપશે.

શાહબાઝ ગઠબંધન સરકાર ચલાવશે

શાહબાઝે વિજય ભાષણમાં ગાઝા અને કાશ્મીરનો મુદ્દો ઉઠાવ્યો

જેલમાં બંધ પૂર્વ વડાપ્રધાન ઈમરાન ખાનની પાર્ટી પાકિસ્તાન તહરીક-એ-ઈન્સાફ (પીટીઆઈ)ના તેમના હરીફ ઓમર અયુબ ખાનને 92 વોટ મળ્યા હતા. પરિણામોની જાહેરાત કરતા, નેશનલ એસેમ્બલીના સ્પીકર સરદાર ઐયાઝ સાદિકે શેહબાઝને પાકિસ્તાનના 24માં વડા પ્રધાન તરીકે નિયુક્ત કર્યા. પીએમ તરીકે ચૂંટાતાની સાથે જ શાહબાઝ શરીફે વિજય ભાષણ દરમિયાન ભારત વિરુદ્ધ બોલવાનું શરૂ કરી દીધું હતું.

શાહબાઝે કહ્યું કે કાશ્મીર અને ગાઝા બંનેને આઝાદ કરવાની જરૂર છે. નેશનલ એસેમ્બલીના સભ્યોને અપીલ કરતા તેમણે કહ્યું કે, 'ચાલો આપણે સાથે મળીને પેલેસ્ટાઈન અને કાશ્મીરીઓની આઝાદી માટે ઠરાવ પસાર કરીએ.'

કાશ્મીર મુદ્દે વિશ્વ હસ્તક્ષેપની માંગ

શાહબાઝ શરીફે આંતરરાષ્ટ્રીય સમુદાયને ગાઝા અને કાશ્મીર મુદ્દે હસ્તક્ષેપ કરવાની પણ અપીલ કરી છે. આ દરમિયાન શાહબાઝે કહ્યું કે તેમણે પાકિસ્તાન માટે કેટલાક લક્ષ્યો નક્કી કર્યા છે. તેમનો ઉદ્દેશ્ય વર્ષ 2030 સુધીમાં પાકિસ્તાનને જી-20 દેશોમાં સામેલ કરવાનો પણ છે.

Lok Sabha Election 2024: પૂર્વ ડેપ્યુટી CM નીતિન પટેલે મહેસાણાથી ઉમેદવારી ખેંચી પાછી, કહ્યું પહેલી લિસ્ટમાં આ બેઠક જાહેર ના થઈ તેનું દુઃખ