US: વિવેક રામાસ્વામીએ US રાષ્ટ્રપતિ પદની દાવેદારી છોડી, આ ઉમેદવારને આપ્યું સમર્થન

US: ભારતીય મૂળના વિવેક રામાસ્વામીએ અમેરિકાના રાષ્ટ્રપતિ પદ માટે પોતાનો દાવો છોડી દીધો છે. રામાસ્વામીએ ડોનાલ્ડ ટ્રમ્પને સમર્થન આપવાની વાત કરી છે. વિવેક રામાસ્વામીએ સોમવારે રાષ્ટ્રપતિ પદની રેસમાંથી ખસી જવાની જાહેરાત કરી હતી. આ દરમિયાન રામસ્વામીએ કહ્યું કે હવે મારા માટે કોઈ રસ્તો બચ્યો નથી. વાસ્તવમાં, 15 જાન્યુઆરીએ, રિપબ્લિકન પાર્ટીની ઉમેદવારી માટે પ્રથમ કોકસનું આયોજન કરવામાં આવ્યું હતું. જેમાં ડોનાલ્ડ ટ્રમ્પે જીત મેળવી હતી.

આ ત્રણ લોકો હવે રિપબ્લિકન પાર્ટી તરફથી રાષ્ટ્રપતિ પદની રેસમાં

રામાસ્વામી ઇમિગ્રેશન અને તેમની અમેરિકા ફર્સ્ટ નીતિ અંગેના તેમના મજબૂત વિચારોને કારણે થોડા જ સમયમાં મતદારોમાં ખૂબ પોપ્યુલર બની ગયા હતા. જોકે, હવે રામાસ્વામી રાષ્ટ્રપતિ પદની રેસમાં ખરાબ રીતે પાછળ રહી ગયા હતા. રામાસ્વામી પણ આયોવા કોકસમાં ચોથા સ્થાને રહ્યા અને તેમને માત્ર 7.7 ટકા મત મળ્યા.

ટ્રમ્પે રામાસ્વામીને 'દંભી' કહ્યા હતા

વિવેક રામાસ્વામી અબજોપતિ બિઝનેસમેન અને બાયોટેક કંપનીના વડા છે. રામાસ્વામીના માતાપિતા ભારતના કેરળના રહેવાસી હતા, જેઓ અમેરિકામાં સ્થાયી થયા હતા. રામાસ્વામીનો જન્મ અમેરિકાના ઓહાયો રાજ્યમાં થયો હતો. ચૂંટણી પ્રચારના પ્રારંભિક તબક્કામાં વિવેક રામાસ્વામીએ ડોનાલ્ડ ટ્રમ્પના વખાણ કર્યા હતા અને પોતાને ટ્રમ્પની નજીક બતાવવાનો પ્રયાસ કર્યો હતો. ટ્રમ્પે પણ રામાસ્વામીનું સમર્થન કર્યું હતું. જો કે, ભૂતકાળમાં, ડોનાલ્ડ ટ્રમ્પ વિરુદ્ધ રામાસ્વામીની પ્રચાર ટીમ દ્વારા ઇન્ટરનેટ પર શ્રેણીબદ્ધ પોસ્ટ કરવામાં આવી હતી, જેના કારણે ડોનાલ્ડ ટ્રમ્પ અને તેમની ટીમ ગુસ્સે થઈ હતી. આ પછી ટ્રમ્પે પણ રામાસ્વામીને દંભી ગણાવીને તેમની આકરી ટીકા કરી હતી.

આ પણ વાંચો - Memory Booster Foods: તમારા આહારમાં આ 5 હેલ્ધી ફૂડ્સનો કરો સમાવેશ, જે તમારી યાદશક્તિને વધારશે