Paytm Payments Bank: શું તમે Paytm પેમેન્ટ્સ બેન્કના કસ્ટમર્સ છો? તમારે શું કરવું જોઈએ તે જાણો છો?

Paytm Payments Bank: RBI દ્વારા 31 જાન્યુઆરીએ Paytm પેમેન્ટ્સ બેન્ક (PPB)ની સર્વિસ પર પ્રતિબંધની જાહેરાતને કારણે આ બેન્કના કસ્ટમર્સો ચિંતિત છે. તેઓ નથી જાણતા કે PPBમાં જમા તેમના પૈસાનું શું થશે. RBIએ કહ્યું છે કે PPB 1 માર્ચથી નવી થાપણો લઈ શકશે નહીં અને ક્રેડિટ વ્યવહારો કરી શકશે નહીં. અગાઉ 2019માં પંજાબ અને મહારાષ્ટ્ર કોઓપરેટિવ બેન્ક અને 2020માં યસ બેન્કના કસ્ટમર્સો સાથે આવી સમસ્યાઓ આવી હતી. ચાલો જાણીએ કે Paytm પેમેન્ટ્સ બેન્કના કસ્ટમર્સો પાસે હવે કયો વિકલ્પ છે.

PPBમાં જમા નાણાંનું શું થશે?

શું PPBમાં જમા કરાયેલા પૈસા સુરક્ષિત છે?

PPBમાં જમા કરાયેલા કસ્ટમર્સના પૈસા સંપૂર્ણપણે સુરક્ષિત છે. બેન્કમાં જમા કરાયેલા કસ્ટમર્સના નાણાંનો વીમો લેવામાં આવે છે. ડિપોઝિટ ઈન્સ્યોરન્સ એન્ડ ક્રેડિટ ગેરંટી કોર્પોરેશન (DICGC) આ વીમો પૂરો પાડે છે. DICGC RBI હેઠળ સર્વિસ પૂરી પાડે છે. બેન્ક નાદારીના કિસ્સામાં, તે બેન્કમાં કસ્ટમર્સો દ્વારા જમા કરાયેલા નાણાં ચૂકવે છે. પેમેન્ટ બેન્કે દૈનિક ડિપોઝીટ બેલેન્સ સંપૂર્ણપણે સરકારની સુરક્ષામાં જમા કરાવવાની હોય છે. તેથી, RBIના નિર્દેશો અનુસાર આ પૈસા ઉપાડી શકાય છે.

શું DIGC એ PPBમાં જમા કરાયેલા નાણાંનો વીમો લીધો છે?

જવાબ હા છે. RBIના નિયમો અનુસાર, તમામ બેન્કોમાં 5 લાખ રૂપિયા સુધીની કસ્ટમર્સની થાપણો વીમા કવચ હેઠળ આવરી લેવામાં આવે છે. વ્યાપારી બેન્કો, વિદેશી બેન્કો, સ્થાનિક બેન્કો અને પ્રાદેશિક ગ્રામીણ બેન્કોમાં જમા કરાયેલા કસ્ટમર્સોના નાણાંનો વીમો લેવામાં આવે છે.

આ પણ વાંચો - EPFO Interest Rate: EPFOએ તો આપી દીધી છે મંજૂરી પણ ક્યારે તમારા PF ખાતામાં થશે વધેલું વ્યાજ? જાણો સંપૂર્ણ વિગતો