Budget 2023: બજેટમાં કયા-કયા મહત્વના ફેરફાર થઈ શકે છે, જનતાને ક્યાં થશે ફાયદો, જાણો સંપૂર્ણ લિસ્ટ

Budget 2023: નાણામંત્રી નિર્મલા સીતારમણ 1 ફેબ્રુઆરીએ દેશનું બજેટ રજૂ કરવા જઈ રહ્યા છે. આ બજેટ મોદી સરકારનું છેલ્લું પૂર્ણ બજેટ હશે કારણ કે આ પછી વર્ષ 2024માં લોકસભાની ચૂંટણીઓ યોજાવા જઈ રહી છે. આવતા વર્ષે 2024માં મોદી સરકાર વચગાળાનું બજેટ રજૂ કરશે. આ જ કારણ છે કે સરકાર એક લોકપ્રિય બજેટ રજૂ કરે તેવી અપેક્ષા છે, જેમાં ખેડૂતો, પગારદાર વર્ગ, મધ્યમ વર્ગના લોકો માટે મહત્વપૂર્ણ જાહેરાતો કરવામાં આવી શકે છે. નાણામંત્રી નિર્મલા સીતારમણ કરદાતાઓ અને સામાન્ય લોકો માટે બજેટમાં આ મહત્વની જાહેરાત કરી શકે છે.

80Cમાં 1.50 લાખ સુધીના રોકાણ પર છૂટ
નાણામંત્રીએ થોડા દિવસો પહેલા કહ્યું હતું કે તેઓ મધ્યમ વર્ગની સમસ્યાઓ સમજે છે. સરકાર બજેટમાં 80C હેઠળ ટેક્સ મુક્તિ મર્યાદા વધારવા પર વિચાર કરી રહી છે. એવું માનવામાં આવે છે કે નાણામંત્રી નિર્મલા સીતારમણ બજેટના દિવસે 80C મર્યાદા વધારવાની જાહેરાત કરી શકે છે. વીમા, એફડી, બોન્ડ, હોમ લોન પ્રિન્સિપલ અને પીપીએફ જેવા બચત અને રોકાણ વિકલ્પો 80C હેઠળ આવે છે. હાલમાં, 80C હેઠળ, રૂ. 1.50 લાખના રોકાણ પર છૂટ છે. હવે તેને વધારીને 2 લાખ રૂપિયા કરી શકાય છે.

વધી શકે છે સ્ટાન્ડર્ડ ડિડક્શન લિમિટ
એવી અપેક્ષા રાખવામાં આવે છે કે સરકાર બજેટમાં સ્ટાન્ડર્ડ ડિડક્શન લિમિટ વધારી શકે છે. વર્ષ 2019 થી, સ્ટાન્ડર્ડ ડિડક્શન 50,000 રૂપિયા પર રહે છે. એવું માનવામાં આવે છે કે સરકાર તેને વધારીને 1,00,000 રૂપિયા કરી શકે છે. તેમજ સરકાર આવકવેરા મુક્તિની મર્યાદા વધારી શકે છે. હાલમાં 2.50 લાખ રૂપિયા સુધીની આવક પર ટેક્સ લાગતો નથી. સરકાર આ મર્યાદા વધારી શકે છે.

આ પણ વાંચો - Budget 2023: કિસાન ક્રેડિટ કાર્ડ જેવી કૃષિ યોજનાઓમાં મળી શકે છે કેટલાક મોટા ફેરફારો

LTCG પર મળી શકે ટેક્સ રાહત
બજેટ 2023 દ્વારા, સરકાર બજારમાં રિટેલ મ્યુચ્યુઅલ ફંડ અને સ્ટોક રોકાણકારોને લોંગ ટર્મ કેપિટલ ગેઇન ટેક્સ (LTCG) માં રાહત આપી શકે છે. ઇક્વિટી પર LTCG દૂર કરવાથી ઇક્વિટીમાં રોકાણ વધશે. હાલમાં, જો નાણાકીય વર્ષમાં નફો રૂ. 1 લાખથી વધુ હોય, તો તેના પર 10% લાંબા ગાળાનો મૂડી લાભ વસૂલવામાં આવે છે. આ વખતે આશા છે કે સરકાર આમાં થોડી રાહત આપી શકે છે.