નવી ટેક્સ સિસ્ટમમાં સ્લેબ બદલી શકાશે, કેટલા ટેક્સપેયર્સે અપનાવ્યો આ ઓપ્શન?

કેન્દ્ર સરકાર કેન્દ્રીય બજેટ 2023માં નવી આવકવેરા વ્યવસ્થા હેઠળ ટેક્સના દર ઘટાડવા પર વિચાર કરી રહી છે. આ યોજના હેઠળ, આ વૈકલ્પિક કર વ્યવસ્થાને વધુ આકર્ષક બનાવવા માટે ટેક્સ સ્લેબમાં ફેરફાર કરી શકાય છે. નાણા મંત્રાલયે યોજનાની સ્વીકાર્યતા વધારવાના રસ્તાઓ ઓળખવાના ઉદ્દેશ્ય સાથે આગામી બજેટ માટે સમીક્ષા હાથ ધરી છે. ચાલુ નાણાકીય વર્ષમાં આવકવેરા રિટર્ન ફાઈલ કરનારા કુલ 7.52 કરોડ લોકોમાંથી 5 લાખ કરતા ઓછા ટેક્સપેયર્સેએ નવી કર વ્યવસ્થા અપનાવી હતી.

નવી ઇન્કમટેક્સ સિસ્ટમ શું છે?
નવી આવકવેરા પ્રણાલી નીચા ટેક્સ રેટ ઓફર કરે છે, પરંતુ કોઈ છૂટ અને કપાત નથી. નવી સિસ્ટમમાં 15 લાખ રૂપિયાથી વધુની આવક પર 30 ટકા સુધીના સૌથી વધુ દરે ટેક્સ લાગે છે. તેનાથી વિપરીત, જૂની ટેક્સ સિસ્ટમમાં ત્રણ ટેક્સ બ્રેકેટ 5 ટકા, 20 ટકા અને 30 ટકા છે. 10 લાખથી વધુની આવક પર સૌથી વધુ દર લાગુ પડે છે.

2.5 લાખની થ્રેશોલ્ડ વધી શકે છે
અધિકારીઓ કેન્દ્રીય બજેટ પહેલા નવી કર વ્યવસ્થાની સ્વીકાર્યતા વધારવાની રીતોનું મૂલ્યાંકન કરી રહ્યા છે. આ હેઠળ, ટેક્સ બોજ ઘટાડવા માટે રૂ. 2.5 લાખની મર્યાદા વધારવા અથવા ટેક્સ બ્રેકેટને સમાયોજિત કરવાનો વિચાર છે.

આ પણ વાંચો - કેન્દ્રીય બજેટ શેરબજારને કેવી અસર કરે છે? આ ફેક્ટર્સ પરથી નક્કી થાય છે ચાલ

ટેક્સ નિષ્ણાતોના મતે, જૂના ટેક્સ શાસનમાં તમામ કપાતનો દાવો કર્યા પછી, ઘણા ટેક્સપેયર્સેની કર જવાબદારી ઓછી છે. આ જ કારણ છે કે તેઓ નવી સિસ્ટમ નથી અપનાવી રહ્યા. તેઓ લોકોને સરળ સિસ્ટમ પસંદ કરવા અને અંતે કર કપાત દૂર કરવા પ્રોત્સાહિત કરવા માટે ટેક્સ સ્લેબના દરો વધારવાનો પ્રસ્તાવ મૂકે છે. જો કે, આ સમગ્ર કર પ્રણાલીને જટિલ બનાવી શકે છે અને નોકરીદાતાઓ, કર્મચારીઓ અને કર વિભાગ પર વહીવટી બોજ વધારી શકે છે.