Dream11ની પેરન્ટ કંપની લઈ આવી Dream Money એપ, રોજના 10 રૂપિયામાં ખરીદો સોનું, FDનો પણ વિકલ્પ

Dream11ની પેરન્ટ કંપની Dream Sportsએ તેની નવી પહેલ Dream Money એપ લોન્ચ કરી છે, જે હજુ ડેવલપમેન્ટ ફેઝમાં છે અને તેનું પાયલટ ટેસ્ટિંગ ચાલી રહ્યું છે. આ એપ યૂઝર્સને ડિજિટલ ગોલ્ડમાં રોકાણ, ફિક્સ્ડ ડિપોઝિટ (FD) અને ખર્ચનું મેનેજમેન્ટ કરવાની સુવિધા આપે છે. કંપનીનો ઉદ્દેશ્ય આ એપ દ્વારા તેની સેવાઓમાં વિવિધતા લાવવાનો છે.

ઓનલાઈન ગેમિંગ બિલ 2025ની અસર

‘પ્રમોશન એન્ડ રેગ્યુલેશન ઓફ ઓનલાઈન ગેમિંગ બિલ, 2025'ને રાષ્ટ્રપતિ દ્રૌપદી મુર્મુએ 21 ઓગસ્ટ 2025ના રોજ મંજૂરી આપી હતી. આ બિલ લોકસભા અને રાજ્યસભામાંથી પસાર થયા બાદ અમલમાં આવ્યું છે. આ નવા કાયદાએ ઓનલાઈન રિયલ મની ગેમ્સ પર પ્રતિબંધ મૂક્યો છે, જેના કારણે Dream Sportsએ Dream11 પર તમામ પેઈડ કોન્ટેસ્ટ બંધ કરી દીધા છે. હવે Dream11 માત્ર ફ્રી ઓનલાઈન સોશિયલ ગેમ્સ પર ફોકસ કરશે, જે આ બિલના નિયમોને પ્રોત્સાહન આપે છે.

10 રૂપિયામાં સોનું, 1000 રૂપિયામાં FD

ફિનટેક અને AI સાથે ભાગીદારી

Dream Moneyએ ફિનટેક સ્ટાર્ટઅપ Upswing સાથે ભાગીદારી કરી છે, જે ઓપન ફાઈનાન્સ-એઝ-એ-સર્વિસ પ્લેટફોર્મ પૂરું પાડે છે. આ ઉપરાંત, SEBI રજિસ્ટર્ડ AI ઈન્વેસ્ટમેન્ટ એડવાઈઝર Sigfinn સાથેની ભાગીદારી યૂઝર્સને બેંક ખાતા, મ્યુચ્યુઅલ ફંડ, સ્ટોક અને ETF જેવા એસેટ્સને લિંક કરીને ખર્ચ, આવક અને રોકાણને એક જ જગ્યાએ ટ્રેક કરવામાં મદદ કરશે.

Dream Sportsની અગાઉની પહેલ

આ પહેલા, માર્ચ 2023માં Dream Sportsએ Pine Labs સાથે મળીને UPI પેમેન્ટ એપ DreamX લોન્ચ કરી હતી. જોકે, જૂન 2023માં RBIના નિયમોને કારણે આ એપ બંધ કરવામાં આવી હતી. Dream Money એપ દ્વારા કંપની ફાઈનાન્સિયલ સેવાઓના ક્ષેત્રમાં નવી શક્યતાઓ શોધી રહી છે.

આ પણ વાંચો-Indo-US Postal Service: ભારતે અમેરિકા માટે ડાક સેવાઓ કેમ કરી બંધ? જાણો કારણ