IndusInd Bank Q3: નફો 17.3% વધીને ₹2,297.9 કરોડ પહોંચ્યો, વ્યાજ આવક 18% વધી

IndusInd Bank Q3 Results: નાણાકીય વર્ષ 2024 ના ત્રીજા ક્વાર્ટરમાં ઈન્ડસઈન્ડ બેંકનો નફો 17.3 ટકા વધીને 2,297.9 કરોડ રૂપિયા થઈ ગયો છે. નાણાકીય વર્ષ 2023 ના ત્રીજા ક્વાર્ટરમાં ઈન્ડસઈન્ડ બેંકનો નફો 1,959.2 કરોડ રૂપિયા રહ્યો હતો.

નાણાકીય વર્ષ 2024 ના ત્રીજા ક્વાર્ટરમાં ઈન્ડસઈન્ડ બેંકની વ્યાજ આવક 17.8 ટકા વધીને 5,295.7 કરોડ રૂપિયા પહોંચી ગઈ છે. નાણાકીય વર્ષ 2023 ના ત્રીજા ક્વાર્ટરમાં ઈન્ડસઈન્ડ બેંકની વ્યાજ આવક 4,495.4 કરોડ રૂપિયા રહ્યો હતો.

ક્વાર્ટર દર ક્વાર્ટરના આધાર પર ઓક્ટોબર-ડિસેમ્બર ક્વાર્ટરમાં ઈન્ડસઈન્ડ બેંકના ગ્રૉસ એનપીએ 1.93 ટકાથી ઘટીને 1.92 ટકા રહ્યા છે. ક્વાર્ટરના આધાર પર ઓક્ટોબર-ડિસેમ્બર ક્વાર્ટરમાં ઈન્ડસઈન્ડ બેંકના નેટ એનપીએ 0.57 ટકા યથાવત રહ્યા છે.

રૂપિયામાં ઈન્ડસઈન્ડ બેંકના એનપીએ પર નજર કરીએ તો ક્વાર્ટરના આધાર પર ત્રીજા ક્વાર્ટરમાં ગ્રૉસ એનપીએ 6,164.2 કરોડ રૂપિયાથી વધીને 6,377.1 કરોડ રૂપિયા રહ્યા છે. ક્વાર્ટરના આધાર પર ઈન્ડસઈન્ડ બેંકના ત્રીજા ક્વાર્ટરમાં નેટ એનપીએ 1,814 કરોડ રૂપિયાથી વધીને 1,875.2 કરોડ રૂપિયા રહ્યા છે.