Budget 2023 : રેલવે મુસાફરોને મળી શકે છે ઘણી હાઇ સ્પીડ ટ્રેનોની ભેટ

Budget 2023 : આગામી કેન્દ્રીય બજેટમાં રેલ મુસાફરોને મોટો ફાયદો મળી શકે છે. સરકાર હાઈ સ્પીડ ટ્રેનોની સંખ્યા વધારવા માંગે છે. કેન્દ્રીય બજેટ 2023માં તેની જાહેરાત થઈ શકે છે. વંદે ભારત એક્સપ્રેસ ટ્રેનો પહેલાથી જ ઘણા રૂટ પર દોડી રહી છે. બજેટમાં સરકાર ઘણા નવા રૂટ પર વંદે ભારત એક્સપ્રેસ ટ્રેનની જાહેરાત કરી શકે છે. આગામી બજેટમાં રેલવે માટે ફાળવણીમાં પણ વધારો થવાની ધારણા છે. નાણામંત્રી નિર્મલા સીતારમણ 1 ફેબ્રુઆરી, 2023 ના રોજ બજેટ રજૂ કરશે.

હાઇ સ્પીડ ટ્રેનો માટે રૂટની ઓળખ કરવામાં આવી
રેલ્વેએ ઘણા એવા રૂટની ઓળખ કરી છે કે જેના પર ટ્રેન 180 થી 200 કિલોમીટર પ્રતિ કલાકની ઝડપે દોડી શકે છે. હાલમાં જ રેલ્વે મંત્રી અશ્વિની વૈષ્ણવે આ વાતનો સંકેત આપ્યો હતો. તેમણે અનેક નવી વંદે ભારત ટ્રેનો શરૂ કરવા વિશે જણાવ્યું. રેલવે બોર્ડના અધિકારીઓએ નાણાં મંત્રાલયને તેમની માંગણીઓ વિશે જાણ કરી હતી.

100 નવી વંદે ભારત ટ્રેનોની જાહેરાત થઈ શકે
આ વખતે બજેટમાં (બજેટ 2023) ઘણી નવી વંદે ભારત એક્સપ્રેસ ટ્રેનો ચલાવવાની જાહેરાત થઈ શકે છે. એવી ચર્ચા છે કે સરકાર દેશમાં 100 નવી વંદે ભારત ટ્રેન ચલાવવાનો પ્રસ્તાવ લાવી શકે છે. આ સાથે આ ટ્રેનને દેશના તમામ મહત્વના રૂટ પર દોડાવવાનું શક્ય બનશે.

આ પણ વાંચો - Budget 2023: રેલ્વેના બજેટમાં સરકાર કરી શરે છે મોટી જાહેરાત! જાણો સંપૂર્ણ વિગતો

રેલવે માટે ફાળવણીમાં કેટલો વધારો થશે?
સૂત્રોના જણાવ્યા અનુસાર, રેલવેએ સરકાર પાસેથી બજેટમાં 30% વધુ ફાળવણીની માંગ કરી છે. બજેટમાં મુખ્યત્વે વંદે ભારત ટ્રેનો, પાટા બાંધવા, રેલવેના વિદ્યુતીકરણ પર ધ્યાન કેન્દ્રિત કરવાની અપેક્ષા છે. નવી ફાળવણીનો ઉપયોગ નવા ટ્રેક બનાવવા અને રેલવે ઈન્ફ્રાસ્ટ્રક્ચર સુધારવા માટે થવાની અપેક્ષા છે.