ફેડરલ બેન્કના શેરમાં આજે જોવા મળી શાનદાર તેજી, આ શેર 7 ટકાના ઉછાળા સાથે 129.70 રુપિયાની ઊંચાઈ પર

Federal Bank Share Price: નજીકના સેક્ટરમાં દિગ્ગજ બેન્ક ફેડરલ બેન્કના શેરોમાં આજે 5 સપ્ટેમ્બરના શાનદાર ખરીદદારી જોવા મળી. સ્થાનિક ઈક્વિટી બેન્ચમાર્ક ઈન્ડેક્સ બીએસઈ પર આજે તેના શેર ઈન્ટ્રા-ડે માં 7 ટકાના ઉછાળા સાથે 129.70 રુપિયાની ઊંચાઈ પર પહોંચી ગયા. જો કે ત્યાર બાદ પ્રોફિટ બુકિંગ દ્વારા તે 123.50 રુપિયાના ભાવ સુધી ગગડ્યા હતા. માર્કેટ એક્સપર્ટનું માનવું છે કે આગળ પણ તેજી બની રહેશે અને 149 રુપિયા પ્રતિ શેરની ટાર્ગેટ પ્રાઈઝ પર ખરીદદારીની સલાહ આપી છે. તમને જણાવી દઈએ કે ફેડરલ બેન્ક એવા બેન્કિંગ શેરોમાં સફળ હતી જેમાં ભારતના વોરેન બફેટ કહેવામાં આવતા રાકેશ ઝુનઝુનવાલાએ પણ રોકાણ કર્યું હતું. રાકેશ ઝુનઝુનવાલા અને તેની પત્ની રેખા ઝુનઝુનવાલાની ફેડરલ બેન્કમાં 3.64 ટકાની હિસ્સેદારી હતી.

એક્સપર્ટે આ માટે આપી રોકાણની સલાહ

સ્થાનિક બ્રોકરેજ એન્ડ રિસર્ચ ફર્મ નિર્મલ બંગના એનાલિસ્ટ મુજબ ફેડરલ બેન્કના શેરોમાં આજે પણ તેજી જોવા મળશે. છેલ્લા 12 વર્ષોમાં ફેડરલ બેન્ક તેના શાખાઓના વિસ્તાર કેરળની બહાર પણ કરી રહ્યા છે. નાણાકીય વર્ષ 2010-11માં બેન્કની 60 ટકા શાખાઓ કેરળમાં હતી પરંતુ હવે 46 ટકા જ કેરળમાં છે. અન્ય રાજ્યોમાં વિસ્તાર થતા બેન્કનો કારોબાર વધી રહ્યો છે અને તેના નાણાકીય પ્રદર્શનમાં સુધારો થઈ રહ્યો છે.

Multibagger Stock: 2 રૂપિયાના શેરે આવો કર્યો હંગામો, 23 વર્ષમાં 1 લાખ રૂપિયાને બનાવ્યા 50 કરોડ

આ સિવાય લોઅર કોર્પોરેટ લોન ટિકિટ સાઈઝથી પણ બેન્કની સ્થિતિ સારી થઈ રહી છે. એસેટ ક્વાલિટીમાં સુધારો અને રિટેલ લોનની વધતી ભાગીદારી દ્વારા તેના નેટ ઈન્ટરેસ્ટ માર્જિન વધવાની સંભાવના છે. આ સિવાય મેનેજમેન્ટનું પણ ફોકસ હાઈ માર્જિન પ્રોડ્કટસમાં ગ્રોથ પર છે. આ બધાના કારણે સ્થાનિક બ્રોકરેજ અને રિસર્ચ ફર્મે તેમાં રોકાણ કરવાની સલાહ આપી છે.

એક વર્ષમાં 50 ટકાથી વધુ મળી શકે છે રિટર્ન

ફેડરલ બેન્કના શેર છેલ્લા વર્ષે 6 સપ્ટેમ્બર 2021ના 82.45 રુપિયાના ભાવ પર હતા અને આ પ્રકારે હજુ સુધી તેના રોકાણકારોની મૂડી 50 ટકાથી વધુ વધારી છે. આ વર્ષની વાત કરીએ તો તે 42 ટકા અને આ મહિને 14 ટકા મજબૂત થઈ છે. જો કે માર્કેટ એક્સપર્ટ મુજબ તેની તેજી પણ હજુ રોકાશે નહીં અને 149 રુપિયા પ્રતિ શેરના ટાર્ગેટ પ્રાઈઝના હિસાબથી હાલનો ભાવ 123.35 રુપિયા પર રોકાણ કરી 21 ટકાનો નફો કમાઈ શકે છે.