Matter Aera ઈલેક્ટ્રિક ટુ-વ્હીલરના ભાવમાં થશે વધારો, 6 જૂનથી વધશે ભાવ

Matter Aera : અમદાવાદ સ્થિત ઈલેક્ટ્રિક ટુ-વ્હીલર બનાવતી કંપની મેટરએ તેની ઈ-મોટરસાઈકલના ભાવમાં વધારો કરવાની જાહેરાત કરી છે. Matter Aera ઈલેક્ટ્રિક બાઈક ભારતમાં આ વર્ષે માર્ચમાં 1.44 લાખ રૂપિયાની પ્રારંભિક કિંમતે લૉન્ચ કરવામાં આવી હતી. હવે, કેન્દ્ર સરકાર દ્વારા FAME 2 સબસિડીમાં કાપને કારણે, કંપની આવતા મહિને તેના ઉત્પાદનોના ભાવમાં વધારો કરવા જઈ રહી છે. અહીં અમે જણાવ્યું છે કે કિંમતો કેટલી વધશે.

કેટલી વધશે કિંમત

એ જ રીતે Aera 5000+ની કિંમતમાં પણ રૂ. 30,000નો વધારો થશે અને તેની કિંમત રૂ. 1.54 લાખથી વધીને રૂ. 1.84 લાખ થશે. મેટરના જણાવ્યા અનુસાર, સંભવિત ગ્રાહકો કે જેઓ 5 જૂન સુધીમાં એરાને પ્રી-બુક કરશે તેઓ 20,000 રૂપિયાના કોમ્પ્લિમેન્ટરી કેર પેકેજ સાથે લોન્ચ કિંમતે ઉત્પાદન મેળવી શકશે.

બેટરી, રેન્જ અને પરફોર્મન્સ

મેટર એરાને લિક્વિડ-કૂલ્ડ 5 kWh બેટરી મળે છે અને એક ચાર્જ પર 125 કિમીની રેન્જ આપવાનો દાવો કરવામાં આવે છે. તે 10.5 kW (14 bhp) નું પીક પાવર આઉટપુટ ધરાવે છે અને 4-સ્પીડ મેન્યુઅલ ગિયરબોક્સ મેળવનારી પ્રથમ ઇલેક્ટ્રિક બાઇક છે. કંપની બેટરી પેક અને મોટરસાઇકલ પર 3 વર્ષની વોરંટી પણ આપી રહી છે.

બુકિંગ સહિત અન્ય વિગતો

મેટર એરા માટે પ્રી-બુકિંગ શરૂ થઈ ગયું છે. કંપનીની અધિકૃત વેબસાઇટ અથવા Flipkart/Otokcapital પર જઈને તેને રૂ. 2,000ની ટોકન રકમ માટે બુક કરી શકાય છે. મેટર એરાની ડિલિવરી આ વર્ષે સપ્ટેમ્બરમાં શરૂ થશે. તેનો કોઈ સીધો હરીફ નથી પરંતુ તે આડકતરી રીતે Ather 450X, Simple One, Ola S1 Pro સાથે સ્પર્ધા કરશે.