Russia Ukraine War : રશિયાએ રોબોટ ટર્ટલનો ઉપયોગ કરીને યુદ્ધના મેદાનમાં પહોંચાડ્યો દારૂગોળો, બન્યો વિશ્વનો પહેલો દેશ

Russia Ukraine War : રશિયાએ વિશ્વમાં પ્રથમ વખત યુદ્ધના મેદાનમાં દારૂગોળો પહોંચાડવા માટે રોબોટિક 'ટર્ટલ'નો ઉપયોગ કરવાનો દાવો કર્યો છે. રશિયાનો દાવો છે કે તે રોબોટ દ્વારા યુદ્ધ ક્ષેત્રમાં હથિયારો પહોંચાડનાર પ્રથમ દેશ બની ગયો છે. રશિયા સ્થિત રોબોટ ડેવલપર કંપની આર્ગોના સીઈઓ કોન્સ્ટેન્ટિન બગડાસારોવે રશિયન રાજ્ય મીડિયા એજન્સી આરઆઈએ નોવોસ્ટીને જણાવ્યું હતું કે લુહાન્સ્ક પીપલ્સ રિપબ્લિકમાં "ટર્ટલ"નો ઉપયોગ કરવામાં આવ્યો હતો, જે 2022માં આક્રમણ શરૂ થયું ત્યારથી યુદ્ધ ક્ષેત્ર છે. આ રોબોટિક ટર્ટલ પાંચ કિલોમીટરના અંતર સુધી 500 કિલોનો ભાર સંભાળી શકે છે.

લુહાન્સ્કમાં કામ કરતો રોબોટ ટર્ટલ

તેની ધીમી ગતિને કારણે તેને 'ટર્ટલ' નામ મળ્યું

આર્ગોના સીઈઓએ એ પણ સ્પષ્ટતા કરી કે આ રોબોટની મર્યાદિત હિલચાલને કારણે તેને ટર્ટલ નામ આપવામાં આવ્યું છે. તે પાયદળ સૈનિકોને ટેકો આપવા માટે રચાયેલ છે. તેની ટોપ સ્પીડ માત્ર 10 કિલોમીટર છે. જો કે, તે સરેરાશ માત્ર 6થી 7 કિલોમીટર પ્રતિ કલાકની ઝડપે મુસાફરી કરે છે. આવી સ્થિતિમાં દુશ્મનો તેને સરળતાથી જોઈ શકતા નથી. બગડાસરોવે એમ પણ કહ્યું કે સૈનિકોનું એક ગ્રુપ રેડિયો ટેગને ફોલો કરીને રોબોટ તેના ગંતવ્ય સુધી પહોંચી શકે છે.

રશિયન કંપની ભાવિ રોબોટ્સ પર કામ કરે છે

આર્ગો રોબોટ ડેવલપર કંપનીએ કહ્યું કે તે ભવિષ્ય માટે બીજા ઘણા રોબોટ્સ પર પણ કામ કરી રહી છે. નવા રોબોટમાં વિસ્તારના ઇલેક્ટ્રોનિક નકશા, ગ્રાઉન્ડ સ્કેનિંગ માટે રડાર અને સેટેલાઇટ કમ્યુનિકેશન હશે. આ વાહનો મોટા હશે અને તેમાં અલગ ચેસીસ, વ્હીલ્સ અને ટ્રેક હશે. આ રોબોટની જાહેરાત ત્યારે કરવામાં આવી છે જ્યારે થોડા દિવસો પહેલા એક રશિયન સોશિયલ મીડિયા એકાઉન્ટમાં એક માનવરહિત ગ્રાઉન્ડ વ્હીકલ (યુજીવી) દુશ્મનના ડ્રોન હુમલાથી બચીને ઘાયલ સૈનિકને બહાર કાઢતું દર્શાવવામાં આવ્યું હતું.

આ પણ વાંચો-China Crude Oil: ચીનને હાથ લાગ્યો મોટો ખજાનો! ખુલી જશે કિસ્મત