Vande Bharat: દેશમાં હાલમાં ચાલી રહી છે 82 વંદે ભારત ટ્રેન, રેલ્વે મંત્રીએ આપ્યા વધુ એક સારા સમાચાર

Vande Bharat: છેલ્લા કેટલાક વર્ષોમાં દેશમાં એક પછી એક વંદે ભારત ટ્રેનો શરૂ કરવામાં આવી છે. સરકારે સંસદમાં જણાવ્યું કે વંદે ભારત ટ્રેનોની સંખ્યા વધીને 82 થઈ ગઈ છે. સારા સમાચાર આપતા રેલ્વે મંત્રી અશ્વિની વૈષ્ણવે કહ્યું છે કે નવી દિલ્હી-મુંબઈ અને નવી દિલ્હી-હાવડા રૂટ પર આ ટ્રેનોની સ્પીડ 160 કિલોમીટર પ્રતિ કલાક સુધી વધારવાનું કામ ચાલી રહ્યું છે. લોકસભામાં વંદે ભારત ટ્રેનની સર્વિસ અંગે 10 સાંસદો દ્વારા ઉઠાવવામાં આવેલા પ્રશ્નોના લેખિત જવાબમાં રેલ્વે મંત્રી અશ્વિની વૈષ્ણવે કહ્યું, "31 જાન્યુઆરી, 2024 સુધીમાં, ભારતીય રેલ્વે સાથે 82 વંદે ભારત ટ્રેન સેવાઓ ચાલી રહી છે."

"વધુમાં, ટ્રેનની જોગવાઈ અને વંદે ભારત સહિત નવી ટ્રેનની રજૂઆત, ભારતીય રેલ્વે પર ટ્રાફિક, ઓપરેશનલ સંભવિતતા, સંસાધનોની ઉપલબ્ધતા વગેરેને આધીન ચાલુ છે,"

વંદે ભારત ટ્રેનોમાં ઓક્યુપન્સીના પ્રશ્ન પર મંત્રીએ કહ્યું કે નાણાકીય વર્ષ 2022-23 દરમિયાન વંદે ભારત ટ્રેનોની કુલ ઓક્યુપન્સી 96.62 ટકા હતી. સાંસદોએ મુસાફરોની સુવિધા માટે ઉપરોક્ત ટ્રેનોમાં પ્રસ્તાવિત અન્ય ફેરફારો વિશે પણ જાણવા માગ્યું હતું. રેલ્વે મંત્રીએ કહ્યું કે હાલમાં ભારતીય રેલ્વે નેટવર્ક પર ચાલી રહેલી વંદે ભારત ટ્રેનોના આધુનિક વર્ઝનમાં અદ્યતન સલામતી સુવિધાઓ, સુધારેલ રાઇડરશીપ ઇન્ડેક્સ અને પેસેન્જર સુવિધાઓ જેવી કે ઓટોમેટિક પ્લગ ડોર, રિક્લાઇનિંગ એર્ગોનોમિક સીટો, એક્ઝિક્યુટિવ ક્લાસમાં ફરતી સીટો સાથે આરામદાયક બેઠક વ્યવસ્થા છે.

આ પણ વાંચો-Paytm Customer Care Number: Paytmના નામે શરૂ થયું નવું કૌભાંડ, હવે યુઝર્સને છેતરવા માટે આ પ્રકારની ટ્રિકનો થઈ રહ્યો છે ઉપયોગ