Bank 5 Day Working: બેન્કમાં હવે 5 દિવસ જ થશે કામ, દરેક શનિવારે પણ રહેશે રજા, જાણો સંસદમાં સરકારે શું જણાવ્યો પ્લાન

Bank Holidays: સરકારી બેન્કોમાં કામ કરતા કર્મચારીઓને સારા સમાચાર મળવાના છે. ટૂંક સમયમાં કેન્દ્ર સરકાર શનિવારે રજા પર નિર્ણય લઈ શકે છે. દેશની પ્રાઇવેટ સેક્ટરની બેન્કોની મેનેજિંગ સંસ્થા ઇન્ડિયન બેન્ક એસોસિએશને જુલાઈ મહિનામાં જ સરકારને આ માટેનો પ્રસ્તાવ રજૂ કર્યો હતો. સંસદના શિયાળુ સત્ર દરમિયાન રાજ્યસભામાં પૂછવામાં આવેલા પ્રશ્નના જવાબમાં કેન્દ્ર સરકારે આ માહિતી આપી છે. રાજ્યસભાના સાંસદ સુમિત્રા બાલ્મીકે નાણાપ્રધાનને પૂછ્યું કે શું પ્રાઇવેટ સેક્ટરની બેન્કોમાં પાંચ દિવસના કાર્યકાળને લઈને ઈન્ડિયન બેન્ક્સ એસોસિએશન દ્વારા સરકારને કોઈ પ્રસ્તાવ રજૂ કરવામાં આવ્યો છે. શું સરકાર તેનો અમલ કરવાનું વિચારી રહી છે? સાંસદના પ્રશ્નનો લેખિત જવાબ આપતાં નાણા રાજ્યમંત્રી ભગવત કરડે જણાવ્યું હતું કે એસોસિએશન દ્વારા સરકારને દરખાસ્ત આપવામાં આવી છે. જો કે, તેમના જવાબમાં તેમણે જણાવ્યું નથી કે આ પ્રસ્તાવ પર સરકાર દ્વારા શું નિર્ણય લેવામાં આવ્યો છે. જોકે, તેમણે માહિતી આપી હતી કે ઇન્ડિયન બેન્ક એસોસિએશન અને બેન્ક યુનિયનો વચ્ચે 28 ઓગસ્ટ, 2015ના રોજ થયેલા કરારના આધારે, અત્યાર સુધી દર મહિનાના બીજા અને ચોથા શનિવારે રજા આપવામાં આવે છે.

આ મહિને મળી શકે છે ભેટ

બેન્ક કર્મચારીઓને આ મહિને કેન્દ્ર સરકાર તરફથી મોટી ભેટ મળી શકે છે. કહેવામાં આવી રહ્યું છે કે આ મહિનાના અંતમાં બેન્ક કર્મચારીઓના પગારમાં 15 થી 20 ટકાનો વધારો કરવાની સાથે કેન્દ્ર સરકાર દરેક શનિવારે રજાના પ્રસ્તાવને મંજૂરી આપી શકે છે. વેતન વધારા અંગે 12મી દ્વિપક્ષીય સમાધાન અંગે બેન્ક યુનિયનો અને IBA વચ્ચેની વાટાઘાટો લગભગ અંતિમ છે. તમને જણાવી દઈએ કે બેન્ક કર્મચારીઓનો પગાર કરાર લગભગ એક વર્ષ પહેલા નવેમ્બર 2022માં સમાપ્ત થઈ ગયો છે. ત્યારથી, યુનિયન અને IBA વચ્ચે સતત વાતચીત ચાલી રહી છે. આ નિર્ણયથી દેશના લગભગ 8.50 લાખ બેન્ક કર્મચારીઓને સીધો ફાયદો થવાની આશા છે. એવું માનવામાં આવે છે કે લોકસભાની ચૂંટણી પહેલા પગાર વધારાનો નિર્ણય કરીને સરકાર કર્મચારીઓની વોટબેન્ક પર પણ પોતાનો પ્રભાવ સ્થાપિત કરવાનો પ્રયાસ કરશે.

બેન્કના કામકાજનો સમય વધશે