Gujarat weather: ઉત્તરાયણ સુધી કેવું રહેશે ગુજરાતનું હવામાન? જાણો હવામાન વિભાગની આગાહી

Gujarat weather: રાજ્યમાં છેલ્લા બે દિવસથી વાતાવરણમાં પલટો આવ્યા બાદ કેટલાક વિસ્તારોમાં વરસાદ પણ વરસ્યો હતો. ભરશિયાળે માવઠાને કારણે ચોમાસા જેવો માહોલ છવાયો હતો. જોકે, હવામાન વિભાગ દ્વારા આગામી પાંચ દિવસ ગુજરાતના હવામાન અંગે આગાહી કરવામાં આવી છે. જેમાં તેમણે માવઠાની કોઇ આગાહી કરી નથી

બુધવારે બપોરની હવામાન વિભાગની આગાહી આપતા અમદાવાદ હવામાન વિભાગના મોસમ વૈજ્ઞાનિક, અભિમન્યુ ચૌહાણે જણાવ્યુ હતું કે, રાજ્યમાં હવામાન મોટાભાગે સૂકું રહેશે. તાપમાન અંગે જણાવતા તેમણે કહ્યું કે, આગામી ચાર દિવસ દરમિયાન એક-બે ડિગ્રી તાપમાન વધી શકે છે. તે પછી તાપમાનમાં ઘટાડો જોવા મળશે.

હવામાન વિભાગ પાસેથી મળતા આંકડા પ્રમાણે, બુધવારના રોજ ન્યુનત્તમ તાપમાનની વાત કરીએ તો રાજકોટમાં 12.6 ડિગ્રી નોંધાયું હતું. આ ઉપરાંત નલિયામાં 9.6 ભૂજ 11.9 જ્યારે સૌરાષ્ટ્રમાં રાજકોટ ઉપરાંત સુરેન્દ્રનગર 13.5 કેશોદમાં 14.9, જુનાગઢ અને અમરેલીમાં 16.6, દ્વારકામાં 16.4, ઓખા, પોરબંદર 18 અને વેરાવળ-દિવમાં 19 સે. રહ્યું હતું. જુનાગઢના ગીર પર્વતો પર 30 કિ.મી.ની ઝડપે પવન ફૂંકાયો હતો અને મંગળવારે ત્યાં રોપ-વે બંધ કરવો પડયો હતો. રાજકોટમાં 15-20 કિ.મી.ની ઝડપે પવન ફૂંકાયો હતો, તો જામનગરમાં ન્યુનત્તમ તાપમાન 16 સે. પણ પવનની ઝડપ 25થી 30 કિ.મી. રહી હતી. જેના કારણે તાપમાન વધારે હતુ પણ ઠંડી વધારે હોવાનો અહેસાસ થયો છે.

આ પણ વાંચો-Ayodhya Ram mandir: જય શ્રી રામના નારાથી ગૂંજી ઉઠ્યું એરપોર્ટ, અમદાવાદથી અયોધ્યાની ફ્લાઇટે ભરી ઉડાન