Plane Crash: મોસ્કો જઈ રહેલું પ્લેન અફઘાનિસ્તાનમાં થયો ક્રેશ, ભટકી ગયો હતો રસ્તો

Plane Crash: અફઘાનિસ્તાનમાં પ્લેન ક્રેશના સમાચાર સામે આવી રહ્યા છે. અફઘાન મીડિયાના અહેવાલો અનુસાર, એક દુ:ખદ ઘટનામાં પ્લેન રસ્તો ગુમાવી બેઠો હતો. આ પછી, તે 20 જાન્યુઆરીની રાત્રે બદખ્શાનના ઝેબક જિલ્લાના પર્વતીય વિસ્તારમાં ક્રેશ થયું હતું. શરૂઆતમાં એવું કહેવામાં આવ્યું હતું કે આ ભારતીય વિમાન છે. જોકે, બાદમાં ખબર પડી કે આ પ્લેન ભારતનું નાનું એરક્રાફ્ટ નથી પરંતુ મોરોક્કોનું છે. નાગરિક ઉડ્ડયન મંત્રાલયે કહ્યું કે આ વિમાન ભારતનું નથી.

ભારતના નાગરિક ઉડ્ડયન મંત્રાલયે જણાવ્યું હતું કે અફઘાનિસ્તાનમાં હમણાં જ જે દુર્ભાગ્યપૂર્ણ વિમાન દુર્ઘટના થઈ છે તે ન તો ભારતીય વિમાન છે કે ન તો નોન શેડ્યુલ્ડ (NSOP)/ચાર્ટર એરક્રાફ્ટ. આ મોરોક્કન રજિસ્ટર્ડ નાનું વિમાન છે. આ પહેલા અફઘાન મીડિયામાં દાવો કરવામાં આવી રહ્યો હતો કે અફઘાનિસ્તાનમાં ભારતીય વિમાન ક્રેશ થયું છે.

ભારતીય વિમાન દુર્ઘટનાના ખોટા સમાચાર ક્યાંથી આવ્યા?

વાસ્તવમાં, ANIએ અફઘાનિસ્તાનના ટોલો ન્યૂઝએ કહ્યું કે, બદખ્શાનના માહિતી અને સંસ્કૃતિ વિભાગના વડા ઝબીહુલ્લાહ અમીરીએ કહ્યું છે કે, બદખ્શાન પ્રાંતના કુરાન-મુંજાન અને ઝિબાક જિલ્લાની સરહદે આવેલા તોપખાના પર્વતોમાં એક ભારતીય પેસેન્જર પ્લેન ક્રેશ થયું છે. ઝબીહુલ્લા અમીરીએ કહ્યું કે ઘટનાસ્થળે તપાસ ટીમ મોકલવામાં આવી છે. સ્થાનિક લોકોનું કહેવું છે કે વિમાન રવિવારે સવારે ક્રેશ થયું હતું. જો કે, બાદમાં ANIએ આ સમાચારને અપડેટ કરતી વખતે કહ્યું કે DGCAના એક વરિષ્ઠ અધિકારીએ કહ્યું કે પ્લેન ભારતીય નથી પરંતુ મોરોક્કનનું રજિસ્ટર્ડ DF 10 એરક્રાફ્ટ હતું.