નાણામંત્રી સીતારમણે લોકસભામાં કહ્યું, "કેટલાક લોકો દેશની વધતી અર્થવ્યવસ્થાથી ઈર્ષ્યા કરે છે"

Parliament Winter Session 2022: 7મી ડિસેમ્બરથી ચાલી રહેલા સંસદના શિયાળુ સત્રનો આજે 5મો કાર્યકારી દિવસ છે. સંસદના બંને ગૃહોની કાર્યવાહી સવારે 11 વાગ્યાથી ચાલી રહી છે. કેન્દ્ર સરકાર આ સત્ર દરમિયાન ઓછામાં ઓછા 16 નવા બિલ પસાર કરવા પર વિચાર કરી રહી છે. શુક્રવારે રાજ્યસભામાં યુનિફોર્મ સિવિલ કોડનો મુસદ્દો તૈયાર કરવા માટે પેનલ બનાવવાની માંગ કરતું વિવાદાસ્પદ ખાનગી સભ્યનું બિલ રજૂ કરવામાં આવ્યું હતું. ભારત-ચીન સરહદ મુદ્દે અને કર્ણાટક-મહારાષ્ટ્ર વિવાદ પર લોકસભામાં હોબાળો થયો હતો.

કેટલાક લોકો દેશની વધતી અર્થવ્યવસ્થાથી ઈર્ષ્યા કરે છે: નિર્મલા સીતારમણ
લોકસભામાં કેન્દ્રીય નાણાપ્રધાન નિર્મલા સીતારમણે વિપક્ષ પર નિશાન સાધતા કહ્યું કે તે દુઃખદ છે કે સંસદમાં કેટલાક લોકો દેશની વધતી અર્થવ્યવસ્થાથી ઈર્ષ્યા કરે છે. ભારત સૌથી ઝડપથી વિકસતું અર્થતંત્ર છે પરંતુ વિપક્ષને તેની સાથે સમસ્યા છે. ભારતના વિકાસ પર દરેકને ગર્વ હોવો જોઈએ પરંતુ કેટલાક લોકો તેને મજાક તરીકે લે છે.

દરેક ચલણ સામે ભારતીય રૂપિયો મજબૂત
નાણામંત્રી સીતારમણે વધુમાં કહ્યું કે ભારતીય રૂપિયો દરેક ચલણ સામે મજબૂત થયો છે. રિઝર્વ બેન્કે ડોલર-રૂપિયાની અસ્થિરતા વધુ પડતી ન હોય તેની ખાતરી કરવા માટે બજારમાં હસ્તક્ષેપ કરવા માટે વિદેશી મુદ્રા ભંડારનો ઉપયોગ કર્યો છે.

નિર્મલા સીતારમણે GST સંબંધિત પ્રશ્નોના જવાબ આપ્યા
લોકસભામાં કેન્દ્રીય નાણામંત્રી નિર્મલા સીતારમણે પ્રશ્નકાળ દરમિયાન GST સંબંધિત પ્રશ્નોના જવાબ આપ્યા હતા.

મોંઘવારી અને દેશની અર્થવ્યવસ્થાને લઈને વિપક્ષ કેન્દ્ર સરકાર પર આક્રમક પ્રહારો કરી રહ્યો છે. સંસદનું ચોમાસુ સત્ર પણ ચાલી રહ્યું છે. સંસદમાં પણ મોંઘવારી અને અર્થવ્યવસ્થાના મુદ્દાઓ સતત ઉઠાવવામાં આવે છે. આ બધા વચ્ચે કેન્દ્રીય નાણામંત્રી નિર્મલા સીતારમણે આજે સંસદમાં એક મોટી વાત કહી છે. નિર્મલા સીતારમણે સ્પષ્ટ કહ્યું છે કે કેટલાક લોકો દેશની વધતી અર્થવ્યવસ્થાથી ઈર્ષ્યા કરે છે.

આ સાથે તેમણે કહ્યું કે આપણે બધાએ આ વાત પર ગર્વ કરવો જોઈએ કારણ કે આપણા દેશની અર્થવ્યવસ્થા સતત વધી રહી છે. પોતાના નિવેદનમાં તેમણે કહ્યું કે તે દુઃખદ છે કે સંસદમાં કેટલાક લોકો દેશની વધતી અર્થવ્યવસ્થાથી ઈર્ષ્યા કરે છે. ભારત સૌથી ઝડપથી વિકસતું અર્થતંત્ર છે પરંતુ વિપક્ષને તેની સાથે સમસ્યા છે.

આ પણ વાંચો - BSNL માટે આવશે સારા દિવસો, ટૂંક સમયમાં શરૂ થશે 5G સર્વિસ, ટેલિકોમ મંત્રીએ કહ્યું કેટલો સમય લાગશે