“BJP તમામ જૂના રેકોર્ડ તોડી નાખશે”, સાથે ગૃહમંત્રીએ કહ્યું અમારી સ્પર્ધા કોઈની સાથે નહીં

Gujarat Adhiveshan: કેન્દ્રીય ગૃહમંત્રી અમિત શાહે કહ્યું કે ગુજરાતમાં ભારતીય જનતા પાર્ટી (BJP) પ્રચંડ બહુમતી સાથે સરકાર બનાવશે. ન્યૂઝ18 ઈન્ડિયાના વિશેષ કાર્યક્રમ “ગુજરાત અધિવેશન”માં નેટવર્ક18ના એમડી અને ગ્રુપ એડિટર ઈન ચીફ રાહુલ જોશી સાથેની મુલાકાતમાં તેમણે કહ્યું કે ગુજરાતમાં ભાજપ તમામ જૂના રેકોર્ડ તોડી નાખશે.

અમિત શાહે કહ્યું કે અમે હંમેશા ગુજરાતની જનતાની અપેક્ષાઓ પર ખરા ઉતર્યા છીએ. ભાજપને ગુજરાતની જનતાના આશીર્વાદ છે. ગુજરાતમાં સ્થાયી સરકારના પ્રશ્ન પર શાહે કહ્યું કે, ભાજપ ભૂપેન્દ્ર પટેલના નેતૃત્વમાં આ ચૂંટણી લડી રહી છે અને તેઓ મુખ્યમંત્રી બનશે.

આ પણ વાંચો - વિજય રૂપાણી અને નીતિન પટેલની રાજકીય કારકિર્દી ખતમ? શું કહે છે રાજકીય પંડિતો?

અમિત શાહે કહ્યું કે ટિકિટ કાપથી નારાજ નેતાઓના બળવા પર ગુજરાત ભાજપમાં સંપૂર્ણ રીતે એક થઈ ગયું છે. તેમણે ખુલાસો કર્યો કે ભાજપમાં જ્યારે પણ કોઈ નિર્ણય લેવામાં આવે છે ત્યારે તે પરસ્પર સહમતિથી લેવામાં આવે છે. તેથી જ કોઈ નેતા પક્ષ વિરુદ્ધ નથી જતા.

ગુજરાતમાં શાંતિ અને સલામતી અંગે અમિત શાહે કહ્યું કે, અમે મોદીજીની સરકારના સમયથી ગુજરાતમાં કાયદો અને વ્યવસ્થાનું મજબૂત શાસન આપ્યું છે.

આ પણ વાંચો - ગુજરાત ચૂંટણી: મફત વીજળી, મફત સારવાર, 10 લાખ સરકારી નોકરીઓ... કોંગ્રેસે તેના ઢંઢેરામાં કર્યા આ વચનો

તેમણે કહ્યું કે, અમે એવી સુરક્ષા આપી છે કે ગુજરાતમાં 20 વર્ષના યુવકને પણ ખબર નથી કે કર્ફ્યુ શું છે? તેમણે વધુમાં જણાવ્યું હતું કે, અમે ગુજરાતની જનતાની અપેક્ષાઓ પર ખરા ઉતરવામાં કોઈ કસર બાકી રાખી નથી.