કર્ણાટક-મહારાષ્ટ્ર સીમા વિવાદ ચરમસીમાએ, બસ સેવા કરાઇ બંધ, કેન્દ્રના હસ્તક્ષેપની માંગ

Karnataka-Maharashtra Border Dispute: મહારાષ્ટ્ર અને કર્ણાટક વચ્ચે ચાલી રહેલ સીમા વિવાદ મંગળવારે વધી ગયો કારણ કે કોલ્હાપુરથી રાજ્ય પરિવહનની બસોને વિવાદિત સરહદી વિસ્તારોમાં જેમ કે બેલાગવી અને નિપાનીમાં જતી અટકાવવામાં આવી હતી. કર્ણાટકના દેખાવકારોએ કેટલીક બસોને પણ કાળી શાહીથી રંગાવી હતી. મહારાષ્ટ્રના રાજકીય નેતાઓએ કેન્દ્રના હસ્તક્ષેપની માગણી શરૂ કરી. કર્ણાટકના બેલગાવીમાં રાજ્યના વાહનોને પણ નિશાન બનાવવામાં આવ્યા હતા.

દરમિયાન NCP નેતા શરદ પવારે મંગળવારે મહારાષ્ટ્ર-કર્ણાટક સરહદ વિવાદ પર મીડિયાને સંબોધિત કર્યું. એનસીપીના વડા શરદ પવારે કહ્યું કે, "જો કર્ણાટકના સીએમ બસવરાજ બોમ્માઈ ભડકાઉ નિવેદનો આપવાના હોય તો કેન્દ્રએ દરમિયાનગીરી કરવી જોઈએ."

તેમણે એમ પણ કહ્યું કે સંસદનું શિયાળુ સત્ર શરૂ થઈ રહ્યું હોવાથી તેઓ મહારાષ્ટ્રના સાંસદોને વડા પ્રધાન નરેન્દ્ર મોદી અને ગૃહ પ્રધાન અમિત શાહ પાસે પ્રતિનિધિમંડળ લઈ જવા વિનંતી કરશે.

તેમણે કહ્યું કે બેલાગાવીના વિવાદિત વિસ્તારમાં શું થઈ રહ્યું છે તેનાથી તેઓ ચિંતિત છે. બેલગાવીમાં મરાઠી લોકો “આતંક”ના વાતાવરણમાં જીવી રહ્યા છે.

તેમણે કહ્યું, "ત્યાંના લોકો અવારનવાર મારા સંપર્કમાં આવે છે અને હું જે સાંભળી રહ્યો છું તેનાથી ડર લાગે છે. જો આગામી 24કલાકમાં મહારાષ્ટ્રથી જતી ટ્રેનો પર હુમલા બંધ નહીં થાય તો તેના માટે કર્ણાટકના સીએમ બોમાઈ જવાબદાર હશે."

પવારે કહ્યું કે મહારાષ્ટ્રના લોકોએ સમજદારી જાળવી રાખી છે, પરંતુ કર્ણાટક સરકાર દ્વારા તેમને ઉશ્કેરવામાં આવી રહ્યા છે. તેમણે કહ્યું, “બંને રાજ્યોના મુખ્ય પ્રધાનો (બસવરાજ બોમાઈ અને એકનાથ શિંદે) એ પરિસ્થિતિને થાળે પાડવા માટે સાથે મળીને કામ કરવું જોઈતું હતું. કર્ણાટકના લોકો કાયદો પોતાના હાથમાં લઈ રહ્યા છે.

મંત્રીઓએ પ્રવાસ રદ કરવો પડ્યો હતો