SBSP joins NDA: ઓપી રાજભર ફરી NDAમાં જોડાયા, અમિત શાહે કહ્યું- UPમાં NDAને મળશે મજબૂતી

SBSP joins NDA: સુહેલદેવ ભારતીય સમાજ પાર્ટી (Suheldev Bharatiya Samaj Party –SBSP)ના વડા ઓમ પ્રકાશ રાજભર (Om Prakash Rajbhar) દિવસોની અટકળો બાદ નેશનલ ડેમોક્રેટિક એલાયન્સ (National Democratic Alliance -NDA)માં જોડાયા છે. કેન્દ્રીય ગૃહમંત્રી અમિત શાહ શાહએ આની જાહેરાત કરી છે. તેમણે ટ્વીટ કર્યું છે કે રાજભરના આગમનથી NDA મજબૂત થશે. 14 જુલાઈએ બંને નેતાઓની મુલાકાત પણ થઈ હતી. બીજી તરફ ઓપી રાજભરે પણ લખનઉમાં પ્રેસ કોન્ફરન્સ કરી એનડીએ સાથે ગઠબંધનની જાહેરાત કરી હતી.એનડીએમાં સામેલ થયા બાદ રાજભરે નરેન્દ્ર મોદી, અમિત શાહ અને યોગી આદિત્યનાથનો આભાર માન્યો છે.

રાજભરે કહ્યું કે સુભાસ્પાના ભાજપ સાથે ગઠબંધન પછી યુપીમાં કોઈ લડાઈ બાકી નથી. ભલે ગમે તેવો મોરચો રચાય. પરંતુ હવે આ ગઠબંધન સામે કોઈ ટકી શકે તેમ નથી. રાજભરે વિરોધ પક્ષોના ઉદાસીન વલણ પર દુઃખ વ્યક્ત કર્યું અને કહ્યું કે અમે ઘણો પ્રયાસ કર્યો પરંતુ તેમના તરફથી કોઈ જવાબ મળ્યો નથી.

અમિતા શાહે કહ્યું- NDAને તાકાત મળશે

અમિત શાહે મીટિંગનો ફોટો પણ શેર કર્યો છે. આ ફોટોમાં રાજભરની સાથે તેનો પુત્ર અરવિંદ રાજભર પણ જોવા મળી રહ્યો છે. તેમણે કેપ્શનમાં લખ્યું, "દિલ્હીમાં શ્રી ઓ.પી. રાજભર જીને મળ્યા અને તેમણે વડાપ્રધાન શ્રી નરેન્દ્ર મોદીજીના નેતૃત્વમાં એનડીએ ગઠબંધનમાં જોડાવાનો નિર્ણય કર્યો છે. હું એનડીએ પરિવારમાં તેમનું સ્વાગત કરું છું. રાજભર જીના આગમન સાથે ઉત્તર પ્રદેશ એન.ડી.એ. માં તાકાત મળશે. મોદીજીના નેતૃત્વમાં એનડીએ દ્વારા ગરીબો અને વંચિતોના કલ્યાણ માટે કરવામાં આવી રહેલા પ્રયાસોને વધુ બળ મળશે.