PM મોદીએ રાજસ્થાનને આપી રુપિયા 5,500 કરોડની ભેટ, કહ્યું- 'કેટલાક લોકો દેશમાં કંઈ સારું થતું જોવા નથી માંગતા'

વિપક્ષી પાર્ટીઓ પર પ્રહાર કરતા વડાપ્રધાન મોદીએ કહ્યું કે દેશમાં કેટલાક લોકો એટલી બધી નકારાત્મકતાથી ભરેલા છે કે તેઓ કંઈ સારું થતું જોવા નથી માંગતા. જે લોકો દરેક વાતને દરેક પગલે મતના ત્રાજવે તોલતા હોય છે, તેઓ ક્યારેય દેશના ભવિષ્યને ધ્યાનમાં રાખીને આયોજન કરી શકતા નથી. આ સાથે જ તેમણે કહ્યું કે, ભારત સરકાર રાજ્યના વિકાસ દ્વારા દેશના વિકાસના મંત્રમાં માને છે.

કોઈનું નામ લીધા વિના પીએમ મોદીએ કહ્યું કે આપણા દેશમાં કેટલાક લોકો આવી વિકૃત વિચારધારાનો શિકાર બન્યા છે. તેઓ એટલી બધી નકારાત્મકતાથી ભરેલા છે કે તેઓ દેશમાં કંઈ સારું થાય તે જોવા માંગતા નથી અને તેઓ માત્ર વિવાદો ઉભા કરવાનું પસંદ કરે છે.

વડા પ્રધાને કહ્યું કે તમે કંઈક સાંભળ્યું જ હશે, જેમ કે કેટલાક લોકો ઉપદેશ આપે છે કે લોટ પહેલા અથવા ડેટા પહેલા, રોડ પહેલા અથવા સેટેલાઇટ પહેલા…. પરંતુ ઈતિહાસ સાક્ષી છે કે સાતત્યપૂર્ણ વિકાસ માટે ઝડપી વિકાસ માટે પાયાની વ્યવસ્થાઓ સાથે આધુનિક ઈન્ફ્રાસ્ટ્રક્ચર બનાવવું જરૂરી છે.

તેમણે કહ્યું કે જે લોકો દરેક પગલા પર દરેક વસ્તુને મતના ત્રાજવે તોલતા હોય છે, તેઓ ક્યારેય દેશના ભવિષ્યને ધ્યાનમાં રાખીને યોજના બનાવી શકતા નથી. વડાપ્રધાન મોદીએ કહ્યું કે આપણા દેશમાં આ વિચારસરણીને કારણે ઈન્ફ્રાસ્ટ્રક્ચરના નિર્માણને પ્રાથમિકતા આપવામાં આવી નથી. તેના કારણે દેશને ઘણું નુકસાન થયું છે.

પીએમ મોદીએ કહ્યું કે, જો પૂરતી સંખ્યામાં મેડિકલ કોલેજો પહેલાથી જ બનાવવામાં આવી હોત તો દેશમાં ડોક્ટરોની આટલી અછત ન હોત. વડાપ્રધાને કહ્યું કે ભારત સરકાર રાજ્યના વિકાસ દ્વારા દેશના વિકાસના મંત્રમાં વિશ્વાસ રાખે છે.