Manipur Violence: રાહુલ ગાંધી મણિપુરના બે દિવસીય પ્રવાસ માટે પહોંચ્યા ઈમ્ફાલ, રાહત શિબિરોમાં હિંસા પીડિતો સાથે કરશે મુલાકાત

Manipur Violence: કોંગ્રેસના પૂર્વ અધ્યક્ષ રાહુલ ગાંધી (Rahul Gandhi in Manipur) હિંસાગ્રસ્ત ઉત્તરપૂર્વીય રાજ્ય મણિપુરની તેમની બે દિવસીય મુલાકાત માટે ગુરુવારે ઇમ્ફાલ પહોંચ્યા. એરપોર્ટ પરથી, તે ચુરાચંદપુર જીલ્લા માટે રવાના થયા, જ્યાં તે ગયા મહિનાની શરૂઆતમાં ઉત્તરપૂર્વીય રાજ્યને હચમચાવી નાખેલી વંશીય હિંસાથી વિસ્થાપિત લોકોને મળવા માટે રાહત શિબિરની મુલાકાત લેશે. તમને જણાવી દઈએ કે આ વર્ષે મે મહિનામાં મણિપુરમાં વંશીય સંઘર્ષ શરૂ થયો ત્યારથી લગભગ 50,000 લોકો 300 થી વધુ રાહત શિબિરોમાં રહે છે.

કોંગ્રેસ પક્ષના સૂત્રોએ જણાવ્યું હતું કે રાહુલ ગાંધી શુક્રવારે ઇમ્ફાલમાં રાહત શિબિરોની મુલાકાત લેવાની અને બાદમાં કેટલીક નાગરિક સંસ્થાઓના સભ્યો સાથે વાતચીત કરવાના છે. મણિપુરમાં 3 મેના રોજ ફાટી નીકળેલી હિંસા બાદ કોંગ્રેસ નેતાની પૂર્વોત્તર રાજ્યની આ પ્રથમ મુલાકાત છે.

કોંગ્રેસના એક વરિષ્ઠ નેતાએ બુધવારે કહ્યું કે ઇમ્ફાલ પહોંચ્યા પછી, રાહુલ ગાંધી ચુરાચંદપુર જિલ્લામાં જશે, જ્યાં તેઓ રાહત શિબિરોની મુલાકાત લેશે. ત્યારબાદ તે બિષ્ણુપુર જિલ્લાના મોઇરાંગની મુલાકાત લેશે અને વિસ્થાપિત લોકો સાથે વાતચીત કરશે. તેમણે વધુમાં કહ્યું કે રાહુલ ગાંધી શુક્રવારે ઈમ્ફાલમાં રાહત શિબિરોની મુલાકાત લેશે અને બાદમાં કેટલીક નાગરિક સંસ્થાઓ સાથે વાતચીત કરશે.