RAHUL GANDHI DEFAMATION CASE: માનહાનિ કેસમાં રાહુલ ગાંધીને મોટો ફટકો, સુરત કોર્ટે સજા પર સ્ટે મુકવાની અરજી ફગાવી

RAHUL GANDHI DEFAMATION CASE: માનહાનિ કેસમાં કોંગ્રેસના પૂર્વ અધ્યક્ષ રાહુલ ગાંધીને મોટો ઝટકો લાગ્યો છે. ગુજરાતમાં સુરતની સેશન્સ કોર્ટે રાહુલ ગાંધીને તેમની 'મોદી અટક' ટિપ્પણી માટે દોષિત ઠેરવવા પર રોક લગાવવાની અરજી ફગાવી દીધી છે. કોર્ટે માનહાનિ માટે બે વર્ષની સજા યથાવત રાખી છે. કોર્ટના આ નિર્ણય બાદ રાહુલ ગાંધીની સંસદની સદસ્યતા રદ થઈ જશે. હવે તેણે ગુજરાત હાઈકોર્ટમાં જવું પડશે.

સમાચાર એજન્સી ANI અનુસાર, સુરત કોર્ટે રાહુલ ગાંધીની 2019માં તેમની 'મોદી સરનેમ' ટિપ્પણી પર માનહાનિના કેસમાં તેમની સજા પર રોક લગાવવાની અરજી ફગાવી દીધી છે. દોષિત ઠર્યા બાદ અને સજા પર રોક લગાવ્યા બાદ રાહુલ ગાંધીનું લોકસભાનું સભ્યપદ પુનઃસ્થાપિત થઈ શક્યું હોત, પરંતુ એવું થયું નહીં.

ફોજદારી માનહાનિના કેસમાં બે વર્ષની જેલની સજા સંભળાવતા નીચલી અદાલતના ચુકાદા સામે રાહુલની અપીલ પેન્ડિંગ હોવાથી ચુકાદો અનામત રાખવામાં આવ્યો હતો.

રાહુલ ગાંધી 2019ની લોકસભા ચૂંટણીમાં કેરળના વાયનાડથી સાંસદ બન્યા હતા. ગયા મહિને 23 માર્ચે સુરતની એક કોર્ટે રાહુલ ગાંધીને ભારતીય જનતા પાર્ટી (BJP)ના ધારાસભ્ય પૂર્ણેશ મોદી દ્વારા દાખલ કરવામાં આવેલા ફોજદારી માનહાનિના કેસમાં દોષિત ઠેરવ્યા હતા અને તેમને બે વર્ષની જેલની સજા ફટકારી હતી. એક દિવસ બાદ તેમને લોકસભાના સભ્યપદેથી ગેરલાયક ઠેરવવામાં આવ્યા હતા.