Women's Reservation Bill: 21મી સપ્ટેમ્બર એટલે કે ગુરુવારે રાજ્યસભામાં લાંબી ચર્ચા બાદ મહિલા આરક્ષણ બિલ એટલે કે નારી શક્તિ વંદન કાયદો પસાર કરવામાં આવ્યો હતો. ખાસ વાત એ હતી કે રાજ્યસભામાં આ બિલના વિરોધમાં એક પણ વોટ પડ્યો ન હતો. એટલે કે આ બિલ સર્વસંમતિથી પસાર થયું હતું. આ બિલના સમર્થનમાં રાજ્યસભાના તમામ 215 વોટ પડ્યા હતા. હવે આ બિલને રાષ્ટ્રપતિ પાસે મંજૂરી માટે મોકલવામાં આવશે.
Women's Reservation Bill: મહિલા અનામત બિલ રાજ્યસભામાં નિર્વિરોધ પાસ, હવે કાયદો બનવા માટે રાષ્ટ્રપતિની મંજૂરી બાકી
Women's Reservation Bill: લોકસભામાં જંગી મતોથી પસાર થયા બાદ, 21 સપ્ટેમ્બર, ગુરુવારે રાજ્યસભામાં પણ મહિલા અનામત બિલ પસાર કરવામાં આવ્યું હતું. ખાસ વાત એ હતી કે રાજ્યસભામાં આ બિલના વિરોધમાં એક પણ વોટ પડ્યો ન હતો. એટલે કે આ બિલ સર્વસંમતિથી પસાર થયું હતું. આ બિલના સમર્થનમાં રાજ્યસભાના તમામ 215 વોટ પડ્યા હતા. હવે આ બિલને રાષ્ટ્રપતિ પાસે મંજૂરી માટે મોકલવામાં આવશે. રાષ્ટ્રપતિની મંજૂરી મળતા જ આ બિલ કાયદો બની જશે.
MoneyControl Newsઅપડેટેડ Sep 22, 2023 પર 10:25 AM
રાષ્ટ્રપતિની મંજૂરી બાદ કાયદો બનશે
રાષ્ટ્રપતિની મંજૂરી મળતા જ આ બિલ કાયદો બની જશે. આ કાયદા બાદ મહિલાઓને લોકસભા અને વિધાનસભામાં 33 ટકા અનામત મળવાનું શરૂ થઈ જશે. આ પહેલા બુધવારે આ બિલ લોકસભામાં પણ પ્રચંડ બહુમતી સાથે પસાર કરવામાં આવ્યું હતું. બુધવાર, 20 સપ્ટેમ્બરે લોકસભામાં મહિલા અનામત બિલની તરફેણમાં કુલ 454 વોટ પડ્યા હતા. તેની સામે કુલ 2 મત પડ્યા હતા.
સ્લીપ દ્વારા મતદાન થયું હતું
બુધવાર, 20 સપ્ટેમ્બરના રોજ, નવી સંસદની લોકસભામાં મહિલા અનામત બિલ માટે મતદાન સ્લિપ દ્વારા હાથ ધરવામાં આવ્યું હતું. આ બિલને વિપક્ષી દળોનું પણ સંપૂર્ણ સમર્થન મળ્યું છે. તેને કોંગ્રેસ, એસપી, ડીએમકે, તૃણમૂલ કોંગ્રેસ સહિત લગભગ તમામ વિપક્ષી પાર્ટીઓનું સમર્થન મળ્યું હતું. રાજ્યસભામાં બિલ પર વોટિંગ પહેલા પીએમ મોદીએ તમામ સાંસદોને સંબોધિત પણ કર્યા હતા.
પીએમ મોદીએ તમામ સાંસદોનો આભાર વ્યક્ત કર્યો હતો
રાજ્યસભામાં બિલ પર વોટિંગ પહેલા પોતાના સંબોધનમાં પીએમ મોદીએ કહ્યું કે બંને ગૃહોમાં કુલ 132 સાંસદોએ ચર્ચામાં ભાગ લીધો. હું આ બિલને સમર્થન આપવા માટે તમામ સાંસદોનો આભારી છું અને આ ભાવના લોકોનો વિશ્વાસ વધારશે. હું દરેકને વિનંતી કરું છું કે મતદાન દરમિયાન ન્યાયી ચર્ચામાં જોડાય અને બિલ સર્વસંમતિથી પસાર થાય તેની ખાતરી કરે. સમગ્ર રાજ્યસભાએ સર્વસંમતિથી મહિલા અનામત બિલને ધ્વનિ મતથી પસાર કરવા માટે સમર્થન વ્યક્ત કર્યું હતું.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.