Peregrine Mission One: ચંદ્ર પર માનવ અસ્થિ લઈ જઈ રહ્યું છે અમેરિકા, 52 વર્ષ પછી નાસાને ફરી ચમત્કારની આશા

Peregrine Mission One: ભારતના ચંદ્ર મિશન ચંદ્રયાન-3ની અપાર સફળતા બાદ હવે ચંદ્ર પર પહોંચવા માટે વિશ્વના ઘણા દેશોમાં દોડધામ ચાલી રહી છે. અમેરિકાની સ્પેસ એજન્સી નાસા 2024ની શરૂઆતમાં ચંદ્ર પર ઉતરવાની તૈયારી કરી રહી છે. નાસાએ છેલ્લી વખત ચંદ્ર પર પગ મૂક્યો હતો તે 52 વર્ષ પહેલા 1972માં એપોલો-17 મિશનમાં હતો. ત્યારથી અમેરિકાએ ચંદ્ર પર કોઈ મિશન મોકલ્યું નથી. હવે આટલા વર્ષો પછી, અમેરિકાનું અવકાશયાન પેરેગ્રીન મિશન વન 8 જાન્યુઆરી, 2024ના રોજ ચંદ્ર પર જવા માટે તૈયાર છે. આ મિશનની ખાસ વાત એ છે કે ઘણા સાયન્ટિફિક પેલોડની સાથે સાંસ્કૃતિક વસ્તુઓ પણ મોકલવામાં આવી રહી છે, તેમાં માનવ હાડકા પણ સામેલ છે.

જાણો મિશનની સંપૂર્ણ વિગતો

અમેરિકા 8 જાન્યુઆરી, 2024ના રોજ ફ્લોરિડાના કેપ કેનાવેરલથી જે મિશન લોન્ચ કરવા જઈ રહ્યું છે તેની સૌથી મજાની વાત એ છે કે આ વખતે લેન્ડર નાસાનું નથી. જ્યારે આ એક ખાનગી કંપનીનું લેન્ડર છે. તેનું નામ પેરેગ્રીન મિશન વન છે, જે અમેરિકાની ખાનગી કંપની એસ્ટ્રોબોટિક દ્વારા બનાવવામાં આવ્યું છે. આથી આ મિશનનું નામ પેરેગ્રીની મિશન વન છે. આ લેન્ડર પર નાસાનું ઈન્સ્ટ્રુમેન્ટ લગાવવામાં આવ્યું છે, જે ચંદ્ર પર પર્યાવરણનો અભ્યાસ કરવા સાથે જઈ રહ્યું છે. આ બધું જેથી કરીને તે નાસાના આગામી ચંદ્ર મિશન આર્ટેમિસ મિશનમાં મદદ કરી શકે.

ચંદ્ર પર પહેલું કોમર્શિયલ મિશન