ગુજરાતમાં ઠંડીનો ચમકારો, નલિયામાં સૌથી વધુ ઠંડી, 9.8 ડિગ્રી તાપમાન નોંધાયું

રાજ્યમાં કેટલાક વિસ્તારોમાં થોડા દિવસથી કમોસમી વરસાદ થઇ રહ્યો છે. ત્યારે આગામી પાંચથી સાત દિવસ ગુજરાતનું હવામાન કેવું રહેશે તે અંગે અમદાવાદ હવામાન વિભાગ દ્વારા અનુમાન આપવામાં આવ્યુ છે. આ સાથે તેમણે જણાવ્યુ કે, આગામી પાંચથી સાત દિવસમાં ગુજરાતનું હવામાન શુષ્ક રહેવાની સંભાવના છે.

રાજ્યમાં મહત્તમ અને લઘુત્તમ તાપમાનમાં મોટાભાગે ફેરફાર થવાની સંભાવના નથી. આ સાથે તેમણે જણાવ્યુ કે, દાહોદ, મહીસાગર, પંચમહાલ, અરવલ્લીમાં હાલ વાદળછાયું વાતાવરણ રહેવાની સંભાવના છે. રાજ્યમાં આજે સૌથી ઓછું તાપમાન નલિયામાં 9.8 ડિગ્રી નોંધાયુ હતુ.

ડીસામાં 14.6 અને ભૂજમાં 15 ડિગ્રી તાપમાન. પાટનગર ગાંધીનગરમાં લઘુત્તમ 16 ડિગ્રી તાપમાન. રાજકોટમાં 16.6, સુરેન્દ્રનગરમાં 17.2 ડિગ્રી તાપમાન. અમદાવાદમાં નોંધાયું 17.5 ડિગ્રી તાપમાન જ્યારે આવતીકાલે પણ શહેરમાં 17થી 18 ડિગ્રી તાપમાન નોંધાવવાની સંભાવના છે.

આજરોજ સવારે અમદાવાદ ખાતે પણ 17.8 ડિગ્રી સાથે ઠંડીનો ચમકારો અનુભવાયો હતો. જયારે આજે સવારે અમરેલીમાં 16.6 ડિગ્રી, વડોદરામાં 17.6 ડિગ્રી અને રાજકોટ શહેરમાં સવારે 90 ટકા ભેજ સાથે 16.8 ડિગ્રી લઘુતમ તાપમાન નોંધાતા ઠંડક અનુભવાઈ હતી.