ડ્રાયફ્રુટ ઉદ્યોગમાં ગુજરાત બની રહ્યુ છે અગ્રેસર, ડ્રાયફ્રુટનો વપરાશ 5 ટકાથી વધી 20 ટકા થયો

ભારતમાં ડ્રાયફ્રુટ ઉદ્યોગમાં ગુજરાત હવે અગ્રેસર બની રહ્યુ છે. છેલ્લા 5 વર્ષમાં ગુજરાતમા ડ્રાયફ્રુટના વપરાશમાં 5 થી વધી 20 ટકા થયો છે. ગુજરાતમાં કાજુ પ્રોસેસિંગ એકમોમા વધારો થયો છે. જેમાં 400 એકમોમાંથી સૌથી વધુ એકમો અમદાવાદમાં છે. આફ્રિકન દેશોમાંથી આયાત કરીને કાચા કાજુ પર ગુજરાતમાં પ્રક્રિયા કરીને તૈયાર કરાય છે. ત્યારબાદ તેનુ સ્થાનિક અને આંતરરાષ્ટ્રીય સ્તરે વેચાણ થાય છે.

હાલ ડ્રાયફ્રુટ ઉદ્યોગમાં મહારાષ્ટ્ર અને દિલ્હી બાદ ગુજરાત મોખરાનુ સ્થાન ધરાવે છે. ડ્રાયફ્રુડનો વિકાસશીલ ઉદ્યોગમાં ગુજરાત અગ્રેસર થઈ રહ્યું છે. એમાં પણ વન ટેકસ વન નેશન નો ફાયદો ગુજરાતને વધારે થઈ થયો છે. આગામી સમયમાં પ્રોસેસિંગ એકમોમાં વધારો થશે તો ગુજરાત ડ્રાયફ્રુટ ઉદ્યોગમાં અગ્રીમ સ્થાન ધરાવશે.

અમદાવાદ ડ્રાયફ્રુટ્સ એસોસિએશનના પ્રમુખ હિતેશ પરિયાનીના કહેવા પ્રમાણે, ડ્રાયફુટ્રસ બજારમાં હાલ સૌથી વધારે એકમો કાજુ પ્રોસેસિંગ એકમો છે. વર્ષ 2024માં પણ ડ્રાયફુટ્સ બજાર ઉંચકાશે તેવું પણ આનુમાન છે.

શિયાળામાં મોટાભાગે ડ્રાયફ્રુટ્સમાંથી ઘણી બઘી વસ્તુઓ બને છે, જેને લઈને હાલ ડ્રાયફ્રુટ્સ બજારમાં સૌથી વધારે તેજી છે અને આ તેજી છેલ્લાં 5 વર્ષમાં સૌથી વધારે જોવા મળી રહી છે. મોટાભાગે લોકો હવે ડ્રાયફ્રુટ્સમાંથી બનેલી વસ્તુઓને વધારે પસંદ કરી રહ્યા છે.