Dhanteras 2023: ધનતેરસ માટે ખરીદી રહ્યાં છો સોનું, પહેલા કરી લો ચેક અસલી છે કે નકલી..?

Dhanteras 2023: દિવાળી પહેલા ધનતેરસના દિવસે સોનું ખરીદવું શુભ માનવામાં આવે છે. ઘણી વખત આપણે સોનું ખરીદતી વખતે આવી ભૂલો કરીએ છીએ અને પછી ચિંતામાં પડી જઈએ છીએ. ઘણી વખત ઝવેરીઓ 22 કેરેટ સોનું હોવાનો દાવો કરીને ઘરેણાં વેચે છે પરંતુ તેમાં એટલું સોનું નથી હોતું. આવા છેતરપિંડીથી પોતાને બચાવવા માટે, હોલમાર્કિંગ માર્ક્સને ઓળખવા જરૂરી બની જાય છે. સારા સમાચાર એ છે કે સરકાર સોનાના દાગીનાના ખોટા વેચાણને રોકવા માટે પહેલાથી જ ઘણા પગલાં લઈ રહી છે. ગોલ્ડ જ્વેલરી માટે HUID હોલમાર્ક સ્પેશિયલ માર્કની આવશ્યકતા આ વર્ષે 1 એપ્રિલથી અમલમાં આવી છે.

રિટેલ માર્કેટમાં વેચાતા સોનાના વજનને છાપવા કે હાઈલાઈટ કરવાનો ઓર્ડર સરકાર લાવી શકે છે. એક ગ્રાહક તરીકે, વ્યક્તિએ સોનાના હોલમાર્કિંગને તપાસવા માટે આ નિયમોને ધ્યાનમાં રાખવા પડશે.

છ-અંકનો આલ્ફા-ન્યુમેરિક કોડ (HUID નંબર)

વેચાતા સોનાના દરેક ટુકડામાં છ-અંકનો આલ્ફાન્યૂમેરિક કોડ હોય છે. 1 એપ્રિલ, 2023 પહેલા આ કોડમાં માત્ર ચાર અંક હતા. નિયમોમાં તાજેતરના ફેરફાર બાદ તે 6 અંકનો થઈ ગયો છે. ગ્રાહકો પાસે હવે BIS કેર એપ ડાઉનલોડ કરવાનો અને ઉપયોગ કરવાનો વિકલ્પ પણ છે. HUID ની ચકાસણી કરવામાં મદદ કરશે. તમે એપમાં HUID નંબર દાખલ કરીને ચકાસી શકો છો કે આ ભાગ અસલી છે કે નહીં.